राप्तीसोनारीका कांग्रेस उम्मेदवारहरु घरदैलो गर्दै ढकेरीमा

स्थानीय

गृहपृष्ठ
स्थानीय
राप्तीसोनारीका कांग्रेस उम्मेदवारहरु घरदैलो गर्दै ढकेरीमा

राप्तीसोनारीका कांग्रेस उम्मेदवारहरु घरदैलो गर्दै ढकेरीमा

मंगलबार, वैशाख २७, २०७९ बागेश्वरी पोस्ट

राप्तीसोनारी ( बाँके )। नेपाली काँग्रेसबाट राप्तीसोनारी गाउँपालिकाका अध्यक्षका उम्मेदवार तप्त पौडेल र उपाध्यक्षका उम्मेदवार मनिषासिंह थारु आज वडा नं ८ स्थित ढकेरीको नयाँगाउँमा विहानैदेखि घरदैलोमा व्यस्त छन् ।

चुनावी प्रचारप्रसारको आज अन्तिम दिनमा पौडेल र थारुले घरदैलो गर्दै मतदाताहरुका समस्या बारे जानकारी लिँदै कांग्रेसलाई जिताउन आग्रह गर्दैछन् । अध्यक्षका उम्मेदवार पौडेलले आफूहरु निर्वाचित भए पश्चात् स्थानीयका समस्याहरु साकार गर्न लागिपर्ने बताएका छन् ।

त्यहाँका मतदाताहरुले कांग्रेसबाट केही गर्न सक्ने नेतालाई अध्यक्ष र उपाध्यक्षमा उम्मेदवार बनाएकोले आफूहरु कांग्रेसको समर्थनमा रहेको जनाएका छन् । उनीहरुले जितको शुभकामना दिएका छन् ।

अध्यक्षमा पौडेल र उपाध्यक्षमा थारु जस्तो युवाहरु निर्वाचित भएमा स्थानीयहरुलाई हर सुखदुःखमा साथ दिनेमा मतदाताहरु आशावादी रहेका छन् । वडा नं ८ स्थित ढकेरीको घरदैलोमा बाँके कांग्रेस प्रवक्ता डिल्ली गिरी, वडा नं ८ का अध्यक्षका उम्मेदवार नरेन्द्र विक्रम वलीसहित सदस्यका उम्मेदवार लगायत नेता कार्यकर्ता रहेका छन् ।

प्रकाशित मिति: मंगलबार, वैशाख २७, २०७९ १२:१५

प्रतिक्रिया दिनुहोस्