‘नेपालगन्जको समुन्नत विकासका लागि कटिवद्ध भएर लाग्नेछु’:बिष्ट

स्थानीय

गृहपृष्ठ
स्थानीय
‘नेपालगन्जको समुन्नत विकासका लागि कटिवद्ध भएर लाग्नेछु’:बिष्ट

‘नेपालगन्जको समुन्नत विकासका लागि कटिवद्ध भएर लाग्नेछु’:बिष्ट

मंगलबार, वैशाख २७, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिकामा नेपाली कांग्रेसका तर्फबाट नगर प्रमुख पदका उम्मेदवार प्रसान्त विष्टले आफूलाई मतदान गर्न अपिल गरेका छन् । नेपालगन्जको समुन्नत विकासका लागि आफू कटिवद्ध भएर लाग्ने प्रतिवद्धता जनाएका छन् ।

नेपालगन्ज उपमहानगरपालिका वडा नम्बर १७ मा मंगलबार (आज) निकालिएको बृहत्त र्यालीलाई सम्बोधन गर्दै उनले उपमहानगरपालिकामा आफू निर्वाचित भएपछि सबैलाई समेट्ने बताए । “सबै जाती, भाषा, धर्म, समुदायको लागि मैले समानरुपले काम गर्नेछु, मलाई एक पटक जनताको सेवा गर्ने मौका दिनुहोस्,” उनले भने ।

मतदाताले दिएको हौसला र मायाले आफूमा हौसला बढेको विष्टले बताए । निर्वाचनको मुखमा विपक्षीले अनेक प्रपञ्च रच्न सक्ने र अफवाह फैलाउन सक्नेतर्फ सचेत रहन उनले सबै मतदाता तथा शुभेच्छुकलाई अपिल गरेका छन् ।नेपालगन्ज उपमहानगरपालिका वडा नम्बर १७ मा निकालिएको उक्त र्यालीमा संविधान सभा सदस्य बादशाह कुर्मी, नेपाली कांग्रेस बाँकेका सचिव सुधान्सु कोइराला, कांग्रेसका नेता सुदिप नरसिंह राणा, वडा नम्बर १७ का वडा अध्यक्षका उम्मेदवार लक्ष्मणप्रसाद बर्मा लगायत ठूलो संख्यामा कांग्रेसका नेता, कार्यकर्ता र शुभेच्छुकको सहभागिता रहेको थियो ।