नरैनापुरका अध्यक्ष शाहले सम्हाले कार्यभार, गरे यस्ता निर्णयमा सदर

स्थानीय

गृहपृष्ठ
स्थानीय
नरैनापुरका अध्यक्ष शाहले सम्हाले कार्यभार, गरे यस्ता निर्णयमा सदर

नरैनापुरका अध्यक्ष शाहले सम्हाले कार्यभार, गरे यस्ता निर्णयमा सदर

सोमबार, जेठ ९, २०७९ बागेश्वरी पोस्ट

नेपालगन्ज । बाँकेको नरैनापुर गाउँपालिकाका नवनिर्वाचित अध्यक्ष इस्तियाक अहमद शाहले सपथसंगै कार्यभार सम्हालेका छन् ।

कार्यभार सम्हाले लगत्तै उनले आज गाउँपालिकावासीको समुन्नति र सेवा प्रवाहको कार्यलाई चुस्त दुरुस्त राख्न केही महत्वपूर्ण निर्णय गरेका छन् ।

नरैनापुर गाउँपालिकाभित्र बाँकि रहेका स्थानमा विद्युतीकरण कार्य सम्पन गरी सबै वडाका मुख्य चोकमा हाईमास्ट फल्ट लाईट जडान गर्ने कार्यका साथै गाउँपालिकाको वडा नम्बर १ स्थित महनितियामा ३ करोड रुपैयाँको लागतमा माध्यामिक विधालय निर्माण कार्य अघि बढाउने निर्णयलाई अध्यक्ष शाहले सदर गरेका छन् ।

त्यस्तै गाउँपालिका अध्यक्षको पारिश्रमिकबाट प्रत्येक बर्ष एसईईमा उत्कृष्ट जिपिए ल्याउने बिद्यार्थीलाई ल्यापटप प्रदान गरिने, गाउँपालिकाको जय किसान माविमा क्याम्पस सन्चालन गर्ने निर्णय र हरेक बिधालयमा एक-एक वटा स्कुल बस हस्तान्तरण गर्नलाई आबश्यक प्रक्रिया अघि बढाउने कार्यको सदर गरेका हुन् ।