आलेको पहिलो निर्णय: आफूले पाउने तलब भत्ता बिपन्न बर्गको हितमा खर्चिने

स्थानीय

गृहपृष्ठ
स्थानीय
आलेको पहिलो निर्णय: आफूले पाउने तलब भत्ता बिपन्न बर्गको हितमा खर्चिने

आलेको पहिलो निर्णय: आफूले पाउने तलब भत्ता बिपन्न बर्गको हितमा खर्चिने

सोमबार, जेठ ९, २०७९ बागेश्वरी पोस्ट

कोहलपुर । कोहलपुर नगरपालिका वडा नं - १४ का नवनिर्वाचित जनप्रतिनिधिहरुले आज पदभार ग्रहण गरेका छन् । पदभार ग्रहण गर्दै अध्यक्ष नम बहादुर आलेले सरकारबाट पाउने तलबभत्ता कर कट्टी गरी बिपन्न तथा गरिब बर्गको हितमा खर्च गरिने निर्णय गरेको बताए ।

बिपन्न्न तथा गरिव समुदायलाई राहत पुगोस् भन्ने उद्देश्यले आफ्नो तलब भत्ता उनीहरुकै लागि उपयोग गरिने अध्यक्ष आलेले बताए । उनले आफूले चुनावी अभियानका क्रममा बोलेका कुरालाई पूरा गर्ने बिश्वास दिलाए । अबको पाँच वर्ष स्थानीयबासीको हितमा खर्च गर्ने उनको भनाई छ । अघिल्लो निर्वाचनमा जनप्रतिनिधिहरुले जनताको सवालमा प्रभावकारी काम गर्न नसकेको भन्दै उनले ती सबै सवाल सम्बोधन गर्ने गरी काम गर्ने बाचा दोहोर्‍याए ।

"घरदैलोमा जाँदा धेरैले गुनासो गरे," उनले भने-"अबको पाँच वर्षमा ती गुनासोको सम्बोधन गर्छु।" आफू कुनै लोभ-लालचमा नफस्ने उल्लेख गर्दै उनले समान र बिभेदरहित ढंगले सेवा प्रबाह गर्ने उद्घोष गरे । पदभार ग्रहण कार्यक्रममा बोल्दै अग्रज नेता तथा समाजसेवी रामलौटन यादवले जनताको हितमा अबको समय खर्च गर्न जनप्रतिनिधिलाई सुझाव दिए । उनले चुनावी प्रतिबद्धता अनुसार काम गर्न जनप्रतिनिधिहरुलाई आग्रह गरेका छन् ।

प्रकाशित मिति: सोमबार, जेठ ९, २०७९ २२:२०

प्रतिक्रिया दिनुहोस्