ईलाका प्रहरी कोहलपुरको शौचालयमा एक जना थुनुवा मृत फेला परे

सुरक्षा-अपराध

गृहपृष्ठ
सुरक्षा-अपराध
ईलाका प्रहरी कोहलपुरको शौचालयमा एक जना थुनुवा मृत फेला परे

ईलाका प्रहरी कोहलपुरको शौचालयमा एक जना थुनुवा मृत फेला परे

बुधबार, जेठ ११, २०७९ बागेश्वरी पोस्ट

नेपालगन्ज । ईलाका प्रहरी कार्यालय कोहलपुरमा एक जना थुनुवा मृत अवस्थामा फेला परेका छन् । जबर्जस्ती कारणीको मुद्दामा ईलाका प्रहरी कोहलपुरको हिरासतमा रहेका कोहलपुर १४ का ४६ बर्षीय कृष्णलाल कुँवर शौचालयमा झुन्डिएको अवस्थामामृत अवस्थामा फेला परेका हुन् ।

ईलाका प्रहरी कार्यालय कोहलपुरका प्रमुख प्रहरी नायव उपरीक्षक ऐनबहादुर मल्लले आज बिहान करिब ५ बजेतिर कुँवर हिरासतको शौचालयमा झुण्डिएको अवस्थामा फेला परेको जानकारी दिएका छन् ।

हिरासत कक्षबाट शौचालय गएका कुँवर भेन्टिलेटरमा टिसर्टको पासो लगाएर झुन्डिएको अवस्थामा मृत फेला परेको प्रहरी नायब उपरीक्षक मल्लले बताए । कुँवरलाई गत बैशाख १९ गते ७ वर्षे नावालिकालाई जबरजस्ती करणी गरेको प्रयासमा 'जबरजस्ती करणी उद्योग' को अभियोगमा नियन्त्रणमा लिएर म्याद थप गरेर आवश्यक अनुसन्धान गरिरहेको मल्लले बताए ।

स्थानीय र आफन्तको रोहबरमा मुचुल्का तयार गरी मृतकको शव पोष्टमार्टमको लागि भेरी अस्पताल पठाईएको प्रहरी नायब उपरिक्षक मल्लले जानकारी दिएका छन् ।

प्रकाशित मिति: बुधबार, जेठ ११, २०७९ १२:२६

प्रतिक्रिया दिनुहोस्