कोहलपुरमा भारतीय ट्रकको ठक्करबाट अटो चालकको मृत्यु, कोहलपुर तनावग्रस्त

स्थानीय

गृहपृष्ठ
स्थानीय
कोहलपुरमा भारतीय ट्रकको ठक्करबाट अटो चालकको मृत्यु, कोहलपुर तनावग्रस्त

कोहलपुरमा भारतीय ट्रकको ठक्करबाट अटो चालकको मृत्यु, कोहलपुर तनावग्रस्त

बुधबार, जेठ ११, २०७९ बागेश्वरी पोस्ट

नेपालगन्ज । कोहलपुरमा भारतीय नम्बर प्लेटको ट्रकले अटोलाई ठक्कर दिँदा एक जनाको मृत्यु भएको छ । आज दिउँसो कोहलपुरको पिपल चौतारा अगाडि यूपी ३२ डीएन ४३४४ नम्बरको भारतीय ट्रकले भे १ च ४९४१ नम्बरको अटोलाई पछाडिबाट ठक्कर दिएको थियो ।

दुर्घटनामा परेर गम्भीर घाइते भएका कोहलपुर १३ का अटो चालक २९ वर्षिय रामसेवक थारुको उपचारका क्रममा नेपालगञ्ज मेडिकल कलेज शिक्षण अस्पताल कोहलपुरमा मृत्यु भएको ईलाका प्रहरी कार्यालय कोहलपुरले जानकारी दिएको छ ।

भारतीय ट्रक र चालकलाई प्रहरीले नियन्त्रणमा लिएर घटनाको अनुसन्धान सुरु गरेको ईलाका प्रहरी कार्यालय कोहलपुरले जनाएको छ । तर, अहिले चालकलाई कारबाहीको माग र उचित क्षतीपूर्तिको माग गर्दै कोहलपुर तनावग्रस्त बनेको छ । प्रदर्शनकारीले सडक अवरुद्ध पारेका छन् ।

प्रकाशित मिति: बुधबार, जेठ ११, २०७९ १५:२९

प्रतिक्रिया दिनुहोस्