सेतोखरी मिडिया तेस्रो बर्षमाः विपन्न विद्यार्थीलाई शैक्षिक सामग्री

स्थानीय

गृहपृष्ठ
स्थानीय
सेतोखरी मिडिया तेस्रो बर्षमाः विपन्न विद्यार्थीलाई शैक्षिक सामग्री

सेतोखरी मिडिया तेस्रो बर्षमाः विपन्न विद्यार्थीलाई शैक्षिक सामग्री

बिहीबार, जेठ १२, २०७९ बागेश्वरी पोस्ट

नेपालगञ्ज । सेतोखरी मिडिया प्रालिले दुई बर्ष पार गरेको छ । प्रालीले आजदेखि तेस्रो बर्षको यात्रा अघि बढाएको छ । बाँकेको नेपालगन्जमा प्रधान कार्यालय रहेको प्रालिले विगत एक बर्षदेखि ‘ईसेतोखरी डट कम अनलाइन र सेतोखरी दैनिक’ पत्रिका प्रकाशनमा ल्याएको छ ।

छोटो समयमा लोकप्रिय बनेको सेतोखरी मिडियाले अनलाइन र छापा सञ्चार माध्यमसँगै सेतोखरी विज्ञापन एजेन्सी, सेतोखरी समाचार एजेन्सी पनि सञ्चालन गरिरहेको छ । प्रालि अन्तर्गत् रहेर कमलसुमन फाउण्डेशन विगत दुई बर्षदेखि विविध सामाजिक काममा सक्रियताका साथ लागिपरेको छ । फाउण्डेशनले कोरोना संक्रमणका बेला होस् वा नेपालगन्जमा रगत अभाव भएको समयमा होस् जुनसुकै अबस्थामा पनि सक्दो सहयोग गर्दै आएको देखिएको छ ।

सेतोखरी मिडिया तेस्रो बर्षमा प्रवेश गरेको अवसरमा कमलसुमन फाउण्डेशनसँगै केही शुभचिन्तहरूको सहयोगमा नेपालगञ्ज उपमहानगरपालिका वडा नम्बर ४ मा बस्ने अति विपन्न परिवारका विद्यार्थीलाई शैक्षिक सामग्रीसँगै विद्यालय पोशाक वितरण गरेको छ । प्रालिका अध्यक्ष तथा प्रधान सम्पादक कमल न्यौपाने, वडा नम्बर ४ का समाजसेवी तथा जनप्रतिनिधि टेकबहादुर केसी, एमाले बाँकेका उपाध्यक्ष तथा रेडियो हातेमालोका सञ्चालक डिल्ली विसी, वडा नम्बर ४ का नागरिक अगुवा नन्दा चन्द लगायतको सहभागितामा उक्त सामग्री वितरण गरिएको हो ।

प्रालिको बैठकले यस बर्ष विपन्न परिवारका विद्यार्थीलाई शैक्षिक सामग्री प्रदान गर्ने निर्णय गरेपछि सम्मानको साटो शैक्षिक सामग्री प्रदान गरिएको हो । गत बर्ष सेतोखरी मिडिया प्रालिले खोजमूलक पत्रकारिता गरे वापत् पत्रकार जावेद अन्सारीलाई नगद रकमसहित सम्मान गरेको थियो ।

प्रकाशित मिति: बिहीबार, जेठ १२, २०७९ ११:४९

प्रतिक्रिया दिनुहोस्