नेपालगञ्जमा शालिक राख्ने क्रममा झडप, एक दर्जन घाइते

स्थानीय

गृहपृष्ठ
स्थानीय
नेपालगञ्जमा शालिक राख्ने क्रममा झडप, एक दर्जन घाइते

नेपालगञ्जमा शालिक राख्ने क्रममा झडप, एक दर्जन घाइते

बिहीबार, जेठ १९, २०७९ बागेश्वरी पोस्ट

नेपालगञ्ज । पूर्व राजा वीरेन्द्रको शालिक राख्ने क्रममा प्रहरी र राप्रपाका कार्यकर्ताबीच झडप भएपछि नेपालगन्जको धम्वोजी चोक तनाबग्रस्त भएको छ । झडपमा सुरक्षाकर्मी, राप्रपाका कार्यकर्ता र सर्वसाधरणसहित एक दर्जन घाइते भएका छन् । चार जना सुरक्षाकर्मी, अरु प्रदर्शनकारी र सर्वसाधारण घाइते भएका हुन् ।

May be an image of one or more people, people standing, crowd, monument and road

राप्रपाका युवाले बिहीबार बिहान उक्त चोकमा स्वर्गीय राजा वीरेन्द्र शाहको शालिक राखेका थिए । त्यस लगत्तै प्रहरीले शालिक हटाएको थियो । स्थिति नियन्त्रण भन्दा बाहिर जाने अवस्था आएपछि प्रहरीले फायर खोलेको बताएको छ । बाँकेका प्रमुख जिल्ला अधिकारी सूर्यबहादुर खत्रीले राप्रपाका नेता कार्यकर्ताले वीरेन्द्र चोकमा शालिक राखेपछि त्यसलाई हटाउने क्रममा झडप भएको बताए । राप्रपाका सहायक महामन्त्री ऋषिराज देवकोटाले आफूहरुले वीरेन्द्र चोकमा शालिक राखेको केही बेरमै प्रहरीले बल प्रयोग गर्दै हवाई फायर गरेर शालिक हटाएको बताए । शालिक राख्दैमा प्रहरी त्रसित हुनुपर्ने कारण नै नभएको देवकोटाले बताए ।

प्रहरीले राप्रपाका आधा दर्जन कार्यकर्तालाई नियन्त्रणमा समेत लिएको छ । आक्रोशित राप्रपाका कार्यकर्ताहरुले सेतु विक चोकमा रहेको सहिद सेतुको शालिक समेत तोडफोड गरेका छन् । प्रहरीले वीरेन्द्र चोक र सेतु विक चोकलाई घेरा हालेको छ । चोकहरुमा नेपाल प्रहरी र सशस्त्र प्रहरीले पहरा दिरहेका छन् । त्यस आसपासका पसलहरु बन्द गराइएको छ ।

आज राजा बिरेन्द्रको बंस नास भएको २१ बर्ष पूरा भएको दिन पारेर शालिक पुनःस्थापना गरिएको थियो । २०६२/६३ को जनआन्दोलनमा विरेन्द्र चोकमा रहेको स्व. राजा विरेन्द्रको शालिक भत्काइएको थियो ।

प्रकाशित मिति: बिहीबार, जेठ १९, २०७९ १०:३९

प्रतिक्रिया दिनुहोस्