संवादमार्फत् समस्याको स्थायी समाधान खोज्ने विष्टको प्रतिवद्धता

स्थानीय

गृहपृष्ठ
स्थानीय
संवादमार्फत् समस्याको स्थायी समाधान खोज्ने विष्टको प्रतिवद्धता

संवादमार्फत् समस्याको स्थायी समाधान खोज्ने विष्टको प्रतिवद्धता

बिहीबार, जेठ १९, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाका प्रमुख प्रशान्त विष्टले दरबार हत्याकाण्डको दिन पारेर नेपालगञ्जमा आज भएको घटनाप्रति गम्भीर ध्यानाकर्षण भएको जनाएका छन् ।

नगर प्रमुख विष्टले घटना लगत्तै धम्बोझी चोक र शहिद सेतु विक चोक पुगेर घटनाबारे स्थलगत जानकारी लिएका छन् । उनीसंगै उपप्रमुख कमरुद्दिन राई पनि घटनास्थल पुगेका थिए । उनले शहिद सेतु विकको शालिकमा तोडफोड गर्ने कार्यको निन्दा गरेका छन् । वीरेन्द्र चोकमा शालिक राख्ने र हटाउने विषयमा बारम्बार विवाद हुने गरेकाले त्यसको स्थायी समाधानका लागि सम्वद्ध सबै पक्षसँग संवाद गरेर अघि बढ्ने नगर प्रमुख विष्टले प्रतिवद्धता ब्यक्त गरेका छन् ।

स्व. राजा वीरेन्द्र शाहको शालिक राख्ने क्रममा भएको झडपमा परी घाइते भएका प्रदर्शनकारी र सुरक्षाकर्मीको नगर प्रमुख विष्टले शिघ्र स्वास्थ्यलाभको कामना गरेका छन् ।

प्रकाशित मिति: बिहीबार, जेठ १९, २०७९ १२:३७

प्रतिक्रिया दिनुहोस्