कोहलपुरमा दुई वटा मोटरसाइकल ठोक्किए, एक जनाको मृत्यु, दुई घाइते

स्थानीय

गृहपृष्ठ
स्थानीय
कोहलपुरमा दुई वटा मोटरसाइकल ठोक्किए, एक जनाको मृत्यु, दुई घाइते

कोहलपुरमा दुई वटा मोटरसाइकल ठोक्किए, एक जनाको मृत्यु, दुई घाइते

सोमबार, जेठ २३, २०७९ बागेश्वरी पोस्ट

नेपालगञ्ज । बाँकेको कोहलपुरमा दुई वटा मोटरसाइकल एक आपसमा ठोक्किँदा एक जनाको मृत्यु भएको छ । दुई जना घाइते भएका छन् ।

कोहलपुर नगरपालिका वडा नम्बर १२ चप्परगौडीमा कोहलपुरतर्फ जाँदै गरेको भे १२ प ३३९८ नम्बरको मोटरसाइकल र विपरीत दिशाबाट आँउदै गरेको भे ११ प ११८१ नम्बरको मोटरसाइकल गएराति पौने १२ बजे एक आपसमा ठोक्किँदा भे १२ प ३३९८ नम्बरका मोटरसाइकल चालक कोहलपुर नगरपालिका–२ का २९ वर्षीय खड्क गुरुङको मृत्यु भएको हो । दुर्घटनामा गम्भीर घाइते भएका गुरुङको उपचारका क्रममा कोहलपुरस्थित नेपालगञ्ज मेडिकल कलेजमा मृत्यु भएको इलाका प्रहरी कार्यालय कोहलपुरले जनाएको छ ।

सोही मोटरसाइकल पछाडि सवार कोहलपुर २ का २९ वर्षीय राम बहादुर घले र अर्का मोटरसाइकल चालक सुर्खेतको लेकबेसी नगरपालपालिका ८ का ३८ वर्षीय दल बहादुर सारु घाइते भएका छन् । दुबै जनाको नेपालगञ्ज मेडिकल कलेजमा उपचार भइरहेको प्रहरीले जनाएको छ ।

प्रकाशित मिति: सोमबार, जेठ २३, २०७९ १०:५६

प्रतिक्रिया दिनुहोस्