जिल्ला समन्वय समिति बाँकेको निर्वाचन जेठ २७ गते, २५ गते मनोनयन दर्ता

स्थानीय

गृहपृष्ठ
स्थानीय
जिल्ला समन्वय समिति बाँकेको निर्वाचन जेठ २७ गते, २५ गते मनोनयन दर्ता

जिल्ला समन्वय समिति बाँकेको निर्वाचन जेठ २७ गते, २५ गते मनोनयन दर्ता

सोमबार, जेठ २३, २०७९ बागेश्वरी पोस्ट

नेपालगञ्ज । जिल्ला समन्वय समिति बाँकेको निर्वाचन जेठ २७ गते हुने भएको छ ।

जेठ २७ गते विहान ११ बजेदेखि दिउँसो १ बजेसम्म शिक्षा विकास तथा समन्वय इकाईस्थित मुख्य निर्वाचन अधिकृतको कार्यालयमा मतदान हुने मुख्य निर्वाचन अधिकृत खडानन्द तिवारीले जानकारी दिए । उनका अनुसार आज मतदाता नामावली प्रकाशन गरिएको छ ।

जेठ २५ गते विहान १० बजेदेखि दिउँसो २ बजेसम्म मनोनयन दर्ताको समय तोकिएको मुख्य निर्वाचन अधिकृत तिवारीले बताए । बाँकेमा ८ पालिकाका १६ जना प्रमुख र उपप्रमुख मतदाता हुन् ।

जिल्ला समन्वय समितिमा कांग्रेसको एकल बहुमत छ । कांग्रेसका १२ जना मतदाता छन् । स्थानीय चुनाव र कार्यपालिका चुनावमा गठबन्धन गरेको कांग्रेसले जिल्ला समन्वय समितिमा के गर्छ भन्ने टुंगो अझै छैन ।

जिल्ला समन्वय समितिमा प्रमुख र उपप्रमुख सहित ९ सदस्य निर्वाचित हुन्छन् । समितिमा तीन सदस्य महिला अनिवार्य हुने व्यवस्था छ । स्थानीय तह निर्वाचन ऐन ०७३ अनुसार गाउँपालिका र नगरपालिकामा निर्वाचित प्रमुख, उपप्रमुख, वडा अध्यक्ष र सदस्यहरु समेत जिल्ला समन्वय समितिमा उम्मेदवार हुन पाउँछन् ।

अन्य तीन जना सदस्यहरु गाउँपालिका र नगरपालिकाबाट निर्वाचित सदस्यहरुबाट उम्मेदवार भएर आउँछन् । उनीहरु पनि जिल्ला समन्वय समितिका प्रमुख र उपप्रमुख जस्तै गरी निर्वाचित हुनुपर्ने ऐनमा व्यवस्था छ ।

जिल्ला समन्वय समिति गठन भएपछि जिल्ला सभा गठन हुनेछ । जिल्ला सभाको प्रमुख र उपप्रमुखमा जिल्ला समन्वय समितिकै प्रमुख र उपप्रमुख हुन्छन् भने गाउँपालिका र नगरका प्रमुख उपप्रमुखहरु पदेन सदस्य हुन्छन् ।

प्रकाशित मिति: सोमबार, जेठ २३, २०७९ ११:३६

प्रतिक्रिया दिनुहोस्