शर्ट–पाइन्टभित्र लेपन गरेर दुबईबाट काठमाडौंमा सुन तस्करी, यसरी गरियो बरामद

सुरक्षा-अपराध

गृहपृष्ठ
सुरक्षा-अपराध
शर्ट–पाइन्टभित्र लेपन गरेर दुबईबाट काठमाडौंमा सुन तस्करी, यसरी गरियो बरामद

शर्ट–पाइन्टभित्र लेपन गरेर दुबईबाट काठमाडौंमा सुन तस्करी, यसरी गरियो बरामद

सोमबार, जेठ २३, २०७९ बागेश्वरी पोस्ट

नेपालगन्ज । शर्ट–पाइन्टभित्र लेपन गरेर दुबईबाट काठमाडौंमा सुन तस्करी हुने गरेको रहस्य खुलेको छ । ‘दुबईबाट सुनको लेपन गरेको कपडा लगाएर २ जना नेपाल आउँदै छन्’’ झट्ट सुन्दा सूचना अनौठो थियो ।

सो सुराक पाएपछि उपत्यका अपराध अनुसन्धान कार्यालयका प्रमुख (एसएसपी) बसन्त कुँवरले आफ्ना अनुसन्धान अधिकृतहरूलाई त्रिभुवन अन्तर्राष्ट्रिय विमानस्थलमा रेकी गर्न पठाए । जेठ २१ मा नेपाल एयरलाइन्सको उडान आरए–२३० बाट गुल्मी घर भएका सुरेश बहादुर शाही र कपिलवस्तु वाणगंगा घर भएका सन्दिप चन्द ठकुरी विमानस्थलमा ओर्लिए ।

उपत्यका अपराध अनुसन्धान कार्यालयका प्रहरीले उनीहरुलाई नियन्त्रणमा लिएर चेकजाँच गरे । शर्ट–पाइन्टको भित्री भागमा सर्च गरे । उनीहरुले लगाएको कपडाको तौल सामान्य भन्दा गहकिलो थियो । त्यसपछि कपडा उधारे ।

कपडा उधारेर हेर्दा भित्र सुनको पेस्ट बनाएर लेपन गरेको भेटिएको उपत्यका अपराध अनुसन्धान कार्यालयका एसएसपी बसन्त कुँवरले बताए । उनले भने– ‘सुन लिएर आउने दुई जनाको बयानको आधारमा थप ५ जनालाई पक्राउ गरेका छौं ।’ यसबारेमा थप अनुसन्धान भइरहेको उनले बताए ।

प्रकाशित मिति: सोमबार, जेठ २३, २०७९ १६:५६

प्रतिक्रिया दिनुहोस्