बर्दिया घटना छानविन गर्न गृहले बनायो समिति

स्थानीय

गृहपृष्ठ
स्थानीय
बर्दिया घटना छानविन गर्न गृहले बनायो समिति

बर्दिया घटना छानविन गर्न गृहले बनायो समिति

मंगलबार, जेठ २४, २०७९ बागेश्वरी पोस्ट

नेपालगञ्ज । गृह मन्त्रालयले बर्दिया जिल्लाको मधुवन नगरपालिका वडा नम्बर २ मा सोमबार प्रहरीको गोलीबाट नविना थारुको मृत्यु भएको घटनाबारे छानबिन गर्न ५ सदस्यीय समिति गठन गरेको छ ।

मन्त्रीस्तरीय निर्णयबाट गृहमन्त्री बालकृष्ण खाँणले गृह मन्त्रालयका सहसचिव हरि घिमिरेको संयोजकत्वमा ५ सदस्यीय छानबिन समिति गठन गरेका हुन् ।

समितिमा राष्ट्रिय निकुञ्ज तथा वन्यजन्तु संरक्षण विभागका उपमहानिर्देशक (सहसचिव) बेदकुमार ढकाल, नेपाल प्रहरीका उपरीक्षक कृष्ण कोइराला, राष्ट्रिय अनुसन्धान विभागका उपअनुसन्धान निर्देशक विकास पाण्डे र गृह मन्त्रालयका उपसचिव ध्रुव खड्का सदस्य छन् ।

समितिलाई काम सुरु गरेको मितिले ७ दिनभित्र प्रतिवेदन बुझाउन भनिएको गृहमन्त्री खाँणको सचिवालयले जनाएको छ ।

प्रकाशित मिति: मंगलबार, जेठ २४, २०७९ १२:२६

प्रतिक्रिया दिनुहोस्