गृहमन्त्री खाँणले भने,'बर्दियामा सिडीओलाई गोली हान्ने आदेश थिएन'

सुरक्षा-अपराध

गृहपृष्ठ
सुरक्षा-अपराध
गृहमन्त्री खाँणले भने,'बर्दियामा सिडीओलाई गोली हान्ने आदेश थिएन'

गृहमन्त्री खाँणले भने,'बर्दियामा सिडीओलाई गोली हान्ने आदेश थिएन'

मंगलबार, जेठ २४, २०७९ बागेश्वरी पोस्ट

फाइल फोटो

नेपालगन्ज । बर्दिया घटनामा सरकारले गोली प्रहार गर्ने कुनै आदेश नदिएको गृहमन्त्री बालकृष्ण खाँणले बताएका छन् । प्रतिनिधि सभामा बर्दियाको मधुवन नगरपालिका २ को घटनाका विषयमा बोल्दै गृहमन्त्रीले आज यस्तो बताएका हुन् ।

त्यहाँको प्रमुख जिल्ला अधिकारी (सिडियो) लाई गोली चलाउने आदेश नदिएको धारणा उनले राखे । भिड नियन्त्रण गर्ने क्रममा प्रहार गरेको गोलीले गर्दा नबिना चौधरीको निधन भएको भन्दै उनले दु:ख व्यक्त गरे ।

बर्दियाका प्रमुख जिल्ला अधिकारीलाई गोली चलाउने आदेश नदिएको गृहमन्त्रीले बताए । उनले भने-"नागरिकहरूको यस्तो अवरोध, भिडहरूमा गोली चलाउने आदेश छँदै छैन । म यो रोष्टमबाट भन्न चाहन्छु । गृह मन्त्रालयको निर्देशन, सम्झाई बुझाई गर्ने, सर्वपक्षीय, सर्वदलीय बैठक बसेर समस्यालाई समाधान गर्ने र कम भन्दा कम शक्ति प्रहार गर्ने तर गोली प्रहार गर्ने आदेश नै छैन ।" उनले थपे-"तर, त्यहाँ सिडिओले पनि स्थानीय तहमा पनि आदेश दिएको छैन भन्नुहुन्छ तर त्यहाँ गोली चलेर एक जनाको मृत्यु भएको छ।' घटनाबारे छानविन गर्न गृह मन्त्रालयका सहसचिव हरि घिमिरेको संयोजकत्वमा ५ सदस्यीय समिति बनेको उनले बताए । गृहमन्त्री खाँणले अघि भने, "जसले गल्ती गरेको छ, त्यस अनुसार कारबाही गर्ने प्रतिवद्धता जनाउन चाहन्छु ।"

प्रकाशित मिति: मंगलबार, जेठ २४, २०७९ १५:००