बाँकेको राप्ती नदीमा मलामी गएका दुई जना युवकको डुबेर मृत्यु

स्थानीय

गृहपृष्ठ
स्थानीय
बाँकेको राप्ती नदीमा मलामी गएका दुई जना युवकको डुबेर मृत्यु

बाँकेको राप्ती नदीमा मलामी गएका दुई जना युवकको डुबेर मृत्यु

बिहीबार, जेठ २६, २०७९ बागेश्वरी पोस्ट

नेपालगन्ज । बाँकेको राप्ती नदीमा मलामी गएका दुई जना युवकको डुबेर मृत्यु भएको छ ।

बुधबार दिउँसो करिब साढे ४ बजे डुडुवा गाउँपालिका वडा नम्बर ४ स्थित राप्ती पुलमा नुहाउने क्रममा सिमिकोट गाउँपालिका वडा नम्बर ८ हुम्लाका १८ बर्षीय त्रीबल शाही र २१ वर्षका लेखराज छत्याल पुल नजिक नदीमा डुबेर बेपत्ता भएका थिए ।

नुहाउने क्रममा ती दुई युवक पौडी खेल्न नआएका कारण डुबेर बेपत्ता भएको हुन सक्ने प्रहरीले जनाएको छ । हुम्ला घर भई नेपालगन्ज १ धम्बोझीमा कोठा लिएर बस्दै आएका उनीहरु मलामी गएका थिए । साँझ अबेरसम्म घर नआएपछि राप्ती नदीमा खोजतलास गर्ने क्रममा नदीको छेउँमा उनीहरुले लगाएको कपडा र मोबाइल फेला परेपछि उनीहरु नदीमा डुबेको आंशका गरिएको थियो ।

रातीसम्म उनीहरुको खोजी कार्य गर्दा फेला नपरेपछि आज बिहान पुनः नेपाल प्रहरी र सशस्त्र प्रहरीको टोलीले नदीमा खोजतलास गर्दा उनीहरुको शव फेला पारिएको बाँके प्रहरीले जानकारी दिएको छ । मृतक युवकहरु नेपालगन्ज १ स्थित धम्बोझी माविबाट कक्षा १२ को परिक्षा दिएर बसेका थिए । दुबैको शवलाई पोस्टमार्टमका लागि भेरी अस्पताल लगिएको छ ।

प्रकाशित मिति: बिहीबार, जेठ २६, २०७९ ०९:४९

प्रतिक्रिया दिनुहोस्