बन्द नहर खोल्दै फत्तेपुरका कांग्रेस युवाहरुले दिए किसानलाई साथ

स्थानीय

गृहपृष्ठ
स्थानीय
बन्द नहर खोल्दै फत्तेपुरका कांग्रेस युवाहरुले दिए किसानलाई साथ

बन्द नहर खोल्दै फत्तेपुरका कांग्रेस युवाहरुले दिए किसानलाई साथ

शुक्रबार, जेठ २७, २०७९ बागेश्वरी पोस्ट

नेपालगञ्ज । राप्तीसोनारी गाउँपालिकामा नेपाली कांग्रेसका युवाहरुको सामाजिक कार्यका कारण किसानहरुलाई राहत मिलेको छ । लामो समय बन्द रहेको गाउँपालिकाको वडा नम्बर ६ स्थित फत्तेपुर नहरमा कांग्रेसका युवाहरुको आफ्नै व्यक्तिगत खर्चले नहरमा पानी भित्र्याउन सफल भएका छन् ।

बर्षा नभएका कारण धानको बीउ राख्ने समय आउन लाग्दा पनि बीउ-बिजन राख्न नपाएर मर्कामा परेका वडा नम्बर ६ र ७ का किसानहरुको लागि बिगत ६ महिनादेखि बन्द रहेको नहरमा पानी भित्र्याउन युवाहरुले बिहिवारदेखि आफ्नै श्रोत साधन प्रयोग गर्दै नदीमा बाँध बाँधेर आज नहरबाट सिंचाईका लागि पानी भित्र्याउन सफल भएका हुन् ।

बिगत ६ महिना बढी समयदेखि जनप्रतिनिधि र जल उपभोक्ता समितिको उदासिनताले आजित भएका किसानहरुलाई कांग्रेसका युवाहरुको सहयोगले ठूलो राहत मिलेको छ ।

No description available.

युवाहरुले आफ्ना निजी ५ वटा टिपर, एउटा जेसिबी र एउटा स्काभेटर प्रयोग गर्दै नदीमा बाँध बाँध्दै सिंचाईका लागि पानी भित्र्याउन सफल भएका हुन् । युवाहरुले सवारीसाधनमा लाग्ने इन्धन समेत आफैंले ब्यहोरेका छन् भने एउटा स्काभेटर गाउँपालिकाका अध्यक्ष तप्त बहादुर पौडेलले उपलब्ध गराएका थिए ।

नहरबाट पानी भित्रिएपछि त्यहाँका किसानहरुले कांग्रेसका युवाहरु र गाउँपालिका अध्यक्ष पौडेललाई धन्यवाद दिएका छन् । यसअघि पनि पटक पटक नहरबारे जानकारी गराएपनि वेवास्ता गर्दै आएका जनप्रतिनिधिको अहिले भने बोली बन्द भएको छ ।

वडा नम्बर ६ का बर्तमान अध्यक्ष लबराज खरेलले उक्त नहर सञ्चालन गरी १५ दिनमा पानी भित्र्याउने बताएपनि कांग्रेसका युवाहरुले दुई दिनमै काम फत्ते गर्दै किसानलाई राहत दिन सफल भएका छन् ।

No description available.