काँग्रेस बाँकेले भन्यो–‘अनियमित र लो भोल्टेज समस्या छिटो हल गर !’

स्थानीय

गृहपृष्ठ
स्थानीय
काँग्रेस बाँकेले भन्यो–‘अनियमित र लो भोल्टेज समस्या छिटो हल गर !’

काँग्रेस बाँकेले भन्यो–‘अनियमित र लो भोल्टेज समस्या छिटो हल गर !’

बुधबार, असार १, २०७९ बागेश्वरी पोस्ट

नेपालगन्ज । अनियमित विद्युतको समस्याबारे नेपाली काँग्रेसले बाँके प्रशासनको ध्यानाकर्षण गराएको छ । पार्टी सभापति नारायणप्रसाद गौडेलको नेतृत्वको काँग्रेस टोलीले जिल्ला प्रशासन कार्यालयमा पुगेर प्रमुख जिल्ला अधिकारी सूर्यबहादुर खत्रीलाई ध्यानाकर्षण पत्र बुझाउँदै अनियमित विद्युत समस्या सल्टाउन आग्रह गरेको हो ।

सबैभन्दा बढी गर्मी हुने ठाउँमा अघोषित लोडसेडिङ र लो भोल्टेजका कारण आम सर्वसाधरणको दैनिकी कष्टकर बनेको भन्दै विद्युत समस्या तत्काल सल्टाउन प्रमुख जिल्ला अधिकारीले पहलकदमी लिनुपर्ने पार्टी सभापति गौडेलले बताए । यसैपनि तापक्रम ४० डिग्री हाराहारीमा छ । गर्मीले आमसर्वसाधरण आक्रान्त भएका छन् । त्यसैमा घण्टौं वत्ती जाने र वत्ती भएपनि लो भोल्टेजका कारण पंखै समेत नचल्ने अवस्था छ ।

नागरिकको अधिकार नै कुण्ठित गर्ने गरी सरोकारवाला निकायबाट भइरहेको गैरजिम्मेवारपूर्ण व्यवहारप्रति काँग्रेसले आफ्नो गम्भीर ध्यानाकर्षण भएको जनाएको छ । छिनछिनमा आउने जाने वत्तीले सर्वसाधरणदेखि व्यापार, व्यवसाय एवम् कलकारखानाले समेत क्षती व्यहोर्नु परेको छ । लो र हाई भोल्टेज भइरहने समस्याले इलेक्ट्रोनिक्स सामानमा क्षती पुगेको भन्दै यसतर्फ गम्भीर हुन गौडेलले आग्रह गरेका छन् ।

त्यसक्रममा बाँकेका प्रमुख जिल्ला अधिकारी खत्रीले नेपालगन्जको विद्युत समस्याबारे आफू गम्भीर रहेको बताए । उनले समस्या समाधानका लागि पहल गर्ने आश्वसन दिए । पार्टी सभापति गौडेलको नेतृत्वमा काँग्रेस केन्द्रीय सदस्य मैकुलाल बाल्मिकी, पार्टी उपसभापति गोपालप्रसाद अधिकारी, सचिव सुधांशु कोइराला, सहसचिव रेणु सिंह ठाकुर, क्षेत्र नं.१ का क्षेत्रीय सभापति पोषण केसी, २ का क्षेत्रीय सभापति रमेशकुमार गुप्ता, ललित कुमार रौनियार लगायत सिडिओ कार्यालय पुगेका थिए ।

प्रकाशित मिति: बुधबार, असार १, २०७९ १३:४९

प्रतिक्रिया दिनुहोस्