उडिरहेको स्पाइस जेटको जहाजमा आगलागी, सकुशल अवतरण

विश्व

गृहपृष्ठ
विश्व
उडिरहेको स्पाइस जेटको जहाजमा आगलागी, सकुशल अवतरण

उडिरहेको स्पाइस जेटको जहाजमा आगलागी, सकुशल अवतरण

आइतबार, असार ५, २०७९ बागेश्वरी पोस्ट

तस्बिर :ओपी ईन्डिया

नेपालगन्ज । भारतको पटनाबाट १८५ जना यात्रु लिएर नयाँ दिल्लीका लागि उडेको स्पाइस जेटको फ्लाइट नम्बर एसजी ७२३ जहाजमा आगलागी भएको छ । आगलागी भएपनि पाइलटहरुले जहाजलाई सकुशल अवतरण गराएका छन् ।

आज बिहान पटनाको जयप्रकाश नारायण अन्तर्राष्ट्रिय विमानस्थलबाट नयाँ दिल्लीका लागि उडेको जहाजको बायाँ इन्जिनमा आगो लागेपछि फर्काएर पटनामै सुरक्षित ढंगले अवतरण गराइएको हो । जहाजको बायाँ इन्जिनबाट धुवाँको मुस्लो निस्किएपछि पाइलटहरुले इन्जिनलाई बन्द गरेर सुरक्षित ढंगले अवतरण गरिएको अधिकारीहरूले जनाएका छन् ।

उडिरहेको जहाजमा चरा ठोकिएको उड्डयन नियामक डीजीसीएले जनाएको छ । पाइलटले जहाजलाई सकुशल अवतरण गराएपछि कोही पनि यात्रु घाइते नभएको अधिकारीहरुले जानकारी दिएका छन् ।

प्रकाशित मिति: आइतबार, असार ५, २०७९ १५:३१