राप्तीसोनारीमा अवैध रुपमा नदीजन्य पदार्थ उत्खननमा संलग्न ४ सवारीसाधन नियन्त्रणमा

सुरक्षा-अपराध

गृहपृष्ठ
सुरक्षा-अपराध
राप्तीसोनारीमा अवैध रुपमा नदीजन्य पदार्थ उत्खननमा संलग्न ४ सवारीसाधन नियन्त्रणमा

राप्तीसोनारीमा अवैध रुपमा नदीजन्य पदार्थ उत्खननमा संलग्न ४ सवारीसाधन नियन्त्रणमा

सोमबार, असार ६, २०७९ बागेश्वरी पोस्ट

फाइल फोटो

नेपालगन्ज। बाँकेको राप्तीसोनारीको राप्ती नदीबाट नदीजन्य पदार्थको अवैध उत्खनन र ओसारपसारमा संलग्न ४ सवारी साधनलाई प्रहरीले नियन्त्रणमा लिएको छ ।

राप्ती नदीबाट ढुङ्गा लिएर आउँदै गरेका दुई वटा टयाक्टर र अवैध रुपमा बालुवा तस्करी गर्न जाँदै गरेका थप दुई वटा टयाक्टरलाई प्रहरीले नियन्त्रणमा लिएको छ ।

असार १ गतेदेखि भदौसम्म नदीजन्य पदार्थ उत्खननमा पूर्णरुपमा प्रतिवन्ध लगाइएपनि राप्ती नदीमा अवैध रुपमा बलुवा उत्खनन गर्न जाँदै गरेका भे १ त ८८६३ र भे १ त ७१४० नम्बरका टयाक्टरलाई गएराती साढे १२ बजे प्रहरी चौकी कचनापुर र सशस्त्र प्रहरी बेस क्याम्प जिरोबाट गएको संयुक्त प्रहरी टोलीले नियन्त्रणमा लिएको हो ।

सुरक्षा फौजको संयुक्त टोलीले दुई वटा टयाक्टरलाई सिक्टा सिंचाई नहर हुँदै गएको बाटोबाट राप्तीसोनारी २ स्थित मुगुवा खोलामा प्रवेश गर्दै गरेको अवस्थामा नियन्त्रणमा लिएको हो ।

त्यस्तै प्रहरी चौकी कचनापुरबाट प्रहरी सहायक निरीक्षक बिष्णु खड्काको कमान्डमा गएको टोलीले वडा नम्बर २ कै माथेवासमा जम्मा गरेर राखिएको ढुङ्गा लिएर आउँदै गरेको अवस्थामा आइतबार दिउँसो भे १ त ३३१६ र भे १ त ७३६२ नम्बरका दुई वटा टयाक्टरलाई नियन्त्रणमा लिन सफल भएको हो । ढुङ्गा लिएर आउँदै गरेका दुई वटा टयाक्टरले असार ३ गते शनिबाको बिल बनाई आइतबार ल्याउँदै गरेको अवस्थामा प्रहरीले नियन्त्रणमा लिएको हो ।

नियन्त्रणमा लिइएका ढुङ्गा लिएर आउँदै गरेका टयाक्टरलाई जनही २५ हजार र खाली टयाक्टरलाई १० हजार रुपैयाँका दरले कारबाहीका लागि राप्तीसोनारी गाउँपालिकाको कार्यालय पठाइएको प्रहरीले जनाएको छ । राप्तीसोनारी गाउँपालिकाले अहिले नदीजन्य पदार्थको अवैध उत्खननलाई कडाई गर्दै चोरी कार्यमा संंलग्न रहेका सवारीसाधनलाई धमाधम कारबाही गर्दै आएको छ ।

प्रकाशित मिति: सोमबार, असार ६, २०७९ १८:०९

प्रतिक्रिया दिनुहोस्