स्वःमूल्याङ्कनमा डुडुवा यस वर्ष पनि पहिलो स्थानमा

स्थानीय

गृहपृष्ठ
स्थानीय
स्वःमूल्याङ्कनमा डुडुवा यस वर्ष पनि पहिलो स्थानमा

स्वःमूल्याङ्कनमा डुडुवा यस वर्ष पनि पहिलो स्थानमा

बिहीबार, असार ९, २०७९ बागेश्वरी पोस्ट

डुडुवा (बाँके) । डुडुवा गाउँपालिका संस्थागत क्षमता स्वःमूल्याङ्कनमा राम्रो अंक ल्याएर यस वर्ष पनि बाँके जिल्लामै पहिलो भएको छ । स्थानीय तह संस्थागत क्षमता स्वःमूल्याङ्कनमा डुडुवा गाउँपालिकाले ५९ अंक प्राप्त गरेको छ । स्थानीय तह संस्थागत क्षमता स्वःमूल्याङ्कन कार्यविधि २०७७ अनुसार डुडुवा गाउँपालिका जिल्लाकै पहिलो भएको हो ।

बाँकेका ८ वटै स्थानीय तहहरुको मूल्याकंनमा डुडुवाको सबैभन्दा बढी अंक आएको हो । जिल्ला समन्वय समिति बाँकेमा आयोजित एक कार्यक्रममार्फत् मुल्यांकनकर्ता चाणक्य अधिकारीले जिल्लाका सबै पालिकाको अंकसहितको नतिजा घोषणा गरेका थिए ।

स्वःमूल्याकंनका विषय क्षेत्रहरुमा पालिकाको शासकीय प्रवन्ध, संगठन तथा प्रशासन, बार्षिक बजेट तथा योजना व्यवस्थापन, वित्तिय एवं आर्थिक व्यवस्थापन, सार्वजनिक सेवा प्रवाह, न्यायिक कार्यसम्पादन, भौतिक पुर्वाधार, सामाजिक समाबेशीकरण, बाताबरण संरक्षण तथा विपत व्यवस्थापन र सहकार्य तथा समन्वय लगायत १० विषय क्षेत्र अन्र्तगत् एक सय सूचकलाई विश्लेषण गरी अंक प्रदान गरिएको गाउँपालिका प्रमुख प्रशासकिय अधिकृत परशुराम उपाध्यायले बताए । उनका अनुसार स्वःमूल्याकनमा अंक बढी आउनु भनेको कार्यालयको कामकाज तथा प्रक्रिया व्यवस्थित रहेको देखाउँछ ।

गत वर्ष पनि डुडुवाले स्वःमूल्याङ्कनमा ६६.७५ प्रतिशत अंक प्राप्त गरी पहिलो भएको थियो ।

प्रकाशित मिति: बिहीबार, असार ९, २०७९ १८:०८

प्रतिक्रिया दिनुहोस्