राप्तीसोनारीको ११औं गाउँसभा स्थगित, असार १४ गते बोलाइयो

स्थानीय

गृहपृष्ठ
स्थानीय
राप्तीसोनारीको ११औं गाउँसभा स्थगित, असार १४ गते बोलाइयो

राप्तीसोनारीको ११औं गाउँसभा स्थगित, असार १४ गते बोलाइयो

शुक्रबार, असार १०, २०७९ बागेश्वरी पोस्ट

राप्तीसोनारी(बाँके) । राप्तीसोनारी गाउँपालिकाको ११औं गाउँसभा स्थगित भएको छ । गणपूरक संख्या नपुगेका कारण ढिला गरी सुरु भएको ११औं गाउँसभा असार १४ गते मंगलबार विहान ११ बजे बस्ने गरी स्थगित भएको हो । ११औं गाउँसभाका सभाध्यक्ष एवं गाउँपालिकाका अध्यक्ष तप्त बहादुर पौडेलले गाउँसभा स्थगित भएको घोषणा गरेका हुन् । एमालेबाट निर्वाचित जनप्रतिनिधिहरु अनुपस्थित भएपछि गाउँसभा स्थगित भएको हो । दिउँसो १ बजेलाई बोलाइएको गाउँसभा साँझ सवा ६ बजे सुरु भएको थियो । गाउँसभामा नेपाली कांग्रेस, नेकपा माओवादी र राप्रपाका १९ जना जनप्रतिनिधि मात्र उपस्थित थिए ।

अध्यक्ष पौडेलले असार ८ गते नीति कार्यक्रम र बजेट कार्यपालिका बैठकबाट पारित गरेपनि एमालेका जनप्रतिनिधिहरु आफैंले गरेको निर्णयबाट पछि हट्नु दुर्भाग्यपूर्ण भएको बताए । उनले एमालेका जनप्रतिनिधिहरुमा बहुमतको दम्भ र अहंकार देखिएको बताए । पालिकाको हकहितमा काम गर्न आफू सहमति र सहकार्य गर्न तयार रहेको बताउँदै अध्यक्ष पौडेलले एमालेका जनप्रतिनिधिहरुले अनावश्यक बखेडा झिकेको आरोप लगाए । एमालेका जनप्रतिनिधिहरुले वडाको सिलिङ बढाउन माग गरेको बताइएको छ । गाउँपालिकाको ११औं गाउँसभामा आज अध्यक्ष तप्त बहादुर पौडेलले आर्थिक वर्ष २०७९/०८० को नीति तथा कार्यक्रम एवम् उपाध्यक्ष मनिषासिंह थारुले आगामी आर्थिक वर्षको अनुमानित बजेट प्रस्तुत गर्ने कार्यसूची थियो ।

प्रकाशित मिति: शुक्रबार, असार १०, २०७९ १८:१७

प्रतिक्रिया दिनुहोस्