बाँकेको ढकेरीमा ट्रकको ठक्करबाट मोटरसाइकलमा सवार महिलाको मृत्यु

स्थानीय

गृहपृष्ठ
स्थानीय
बाँकेको ढकेरीमा ट्रकको ठक्करबाट मोटरसाइकलमा सवार महिलाको मृत्यु

बाँकेको ढकेरीमा ट्रकको ठक्करबाट मोटरसाइकलमा सवार महिलाको मृत्यु

शनिबार, असार ११, २०७९ बागेश्वरी पोस्ट

नेपालगन्ज । बाँकेमा ट्रकको ठक्करबाट एक जना महिलाको मृत्यु भएको छ । जिल्लाको राप्तीसोनारी गाउँपालिका वडा नम्बर ९ ढकेरी पुलमा ट्रकले मोटरसाइकललाई ठक्कर दिँदा २८ बर्षीया महिलाको मृत्यु भएको हो ।

आज बिहान साढे ७ बजे कोहलपुरतर्फ आउँदै गरेको ना ५ ख ४२०४ नम्बरको ट्रकले सोही दिशातर्फ जाँदै गरेको भे ११ प ७०५ नम्बरको मोटरसाइकललाई पछाडिबाट ठक्कर दिँदा बैजनाथ गाउँपालिका वडा नम्बर २ की २८ बर्षीय दिपिका खत्री कटुवालको मृत्यु भएको इलाका प्रहरी कार्यालय कोहलपुरले जनाएको छ।

ट्रकको ठक्करबाट गम्भीर घाइते भएकी दिपिकाको उपचारका क्रममा नेपालगन्ज मेडिकल कलेज कोहलपुरमा मृत्यु भएको थियो भने मोटरसाइकल चालक ३२ बर्षीय दिलबहादुर कटुवाल सामान्य घाइते भएका छन्। दिलबहादुर मृतक दिपिकाका श्रीमान् हुन् ।

ठक्कर दिने ट्रक र चालक नवीन आचार्यलाई नियन्त्रणमा लिएर अनुसन्धान गरिरहेको इलाका प्रहरी कोहलपुरले जानकारी दिएको छ ।

प्रकाशित मिति: शनिबार, असार ११, २०७९ १०:२९

प्रतिक्रिया दिनुहोस्