बाँकेमा कुन पालिकाको बजेट कति ?

स्थानीय

गृहपृष्ठ
स्थानीय
बाँकेमा कुन पालिकाको बजेट कति ?

बाँकेमा कुन पालिकाको बजेट कति ?

दुई पालिकाको बजेट नै आएन

शनिबार, असार ११, २०७९ बागेश्वरी पोस्ट

नेपालगञ्ज । बाँकेका ८ स्थानीय तह मध्ये ६ वटा स्थानीय तहले मात्र बजेट ल्याएका छन् । असार १० गतेभित्र नीति कार्यक्रम र बजेट नगर वा गाउँसभामा पेश गर्नुपर्ने प्रावधान अनुसार ६ पालिकाले नीति कार्यक्रमसंगै बजेट ल्याएपनि दुई वटा गाउँपालिकाले बजेट ल्याउन सकेनन् ।

राप्तीसोनारी गाउँपालिकामा असार ८ गते कार्यपालिका बैठकबाट नीति कार्यक्रम र बजेट सर्वसम्मत रुपले पारित भएपनि एमालेबाट निर्वाचित जनप्रतिनिधिहरु आफ्नै निर्णयबाट पछि हट्दै गाउँपालिका बैठकमा अनुपस्थित भएपछि ढिला गरी शुरु भएको गाउँसभा स्थगित भएको छ । गणपूरक संख्या नपुगेका कारण नीति कार्यक्रम र बजेट पेश हुन सकेन । अब असार १४ गतेलाई गाउँसभा बोलाइएको छ ।

डुडुवा गाउँपालिकामा भने कार्यपालिका बैठक नै बसेको छैन । कार्यपालिका बैठक नबस्दा गाउँसभा अनिश्चित छ । यद्यपि भोली कार्यपालिका बैठक बोलाइएको बताइएको छ ।

अन्य ६ पालिकाले भने नीति कार्यक्रम र बजेट ल्याएका छन् । सबैजसो पालिकाले शिक्षा, स्वास्थ्य, कृषि, पूर्वाधार विकास लगायतलाई प्राथमिकतामा राखेर नीति कार्यक्रम र बजेट ल्याएका छन् ।

नेपालगञ्ज उपमहानगरपालिकाले १ अर्ब ६३ करोड ६५ लाखको बजेट नगरसामा पेश गरेको छ । कोहलपुर नगरपालिकाले १ अर्ब १६ करोडको अनुमानित बजेट नगरसभामा प्रस्तुत गरेको छ ।

नरैनापुर गाउँपालिकाले ५१ करोड १० लाख, जानकीले ५९ करोड ५३ लाख, बैजनाथले ७५ करोड ४१ लाख र खजुराले ८३ करोड ६५ लाखको बजेट ल्याएका छन् । पालिकाहरुले असार मसान्तसम्म बजेट पारित गरिसक्नुपर्दछ ।

No description available.