लागूऔषध विरुद्धको दिवसमा प्रभातफेरी

स्थानीय

गृहपृष्ठ
स्थानीय
लागूऔषध विरुद्धको दिवसमा प्रभातफेरी

लागूऔषध विरुद्धको दिवसमा प्रभातफेरी

आइतबार, असार १२, २०७९ बागेश्वरी पोस्ट

नेपालगञ्ज । लागूऔषध दुरुपयोग तथा ओसारपसारविरुद्धको अन्तर्राष्ट्रिय दिवस आज नेपालगन्जमा प्रभातफेरी कार्यक्रमको आयोजना गरी मनाइएको छ । जिल्ला प्रशासन कार्यालयबाट सुरु भएको प्रभातफेरी नगरका विभिन्न भागको परिक्रमा गरी बसपार्क पुगेर सभामा परिणत भएको थियो ।

कार्यक्रमलाई सम्वोधन गर्दै बाँकेका सहायक प्रमुख जिल्ला अधिकारी टोपेन्द्र बहादुर केसीले लागूपदार्थ कारोवार तथा प्रयोगको अवस्था अहिले भयावह बन्दै गएको भन्दै त्यसको नियन्त्रणका लागि सबैको भूमिका महत्वपूर्ण हुने बताए ।

दिवसको अवसरमा बाँकेमा सप्ताहव्यापीरुपमा विविध कार्यक्रम गरिएका थिए । जिल्ला प्रशासन कार्यालयको समन्वयमा लागूऔषध विरुद्ध काम गरिरहेका संघसंस्थाले जनचेतनामूलक प्रचारप्रसार, चोक तथा सार्वजनिक स्थलहरूमा सचेतना, नाकामा चेतनामूलक कार्यक्रमसँगै अन्तरक्रिया, रक्तदान लगायतका कार्यक्रम गरेका हुन् ।

प्रकाशित मिति: आइतबार, असार १२, २०७९ १२:३२

प्रतिक्रिया दिनुहोस्