स्थानीय समस्या समाधानका लागि पहल

स्थानीय

गृहपृष्ठ
स्थानीय
स्थानीय समस्या समाधानका लागि पहल

स्थानीय समस्या समाधानका लागि पहल

सोमबार, असार १३, २०७९ बागेश्वरी पोस्ट

नेपालगञ्ज । स्थानीय समुदायको समस्यालाई स्थानीय सरकारले सम्बोधनका लागि पहल गरेको छ । बर्दिया बढैयाताल गाउँपालिकाले स्थानीयस्तरमा नागरिक समाजले उठान गरेका सार्वजनिक सवाललाई सम्बोधन गर्दै आएको र सम्बोधन नभएका सवाललाई आगामी दिनमा समाधान गर्ने गाउँपालिकाले जनाएको छ ।

नागरिक समाजले उठाएका शिक्षा, स्वास्थ्य, कृषि र विकास निर्माणसंग सम्वन्धित सवाललाई पहिचान गरी समाधान गर्ने बढैयाताल गाउँपालिकाका अध्यक्ष हिमालय त्रिपाठीले प्रतिबद्धता व्यक्त गरे । पारस्परिक जवाफदेहिता परियोजना अन्तर्गत् सूचना र मानव अधिकार अनुन्धान केन्द्र नेपालगन्जले गरेको साझा सभामा बोल्दै अध्यक्ष त्रिपाठीले आफू पालिकाको अध्यक्षमा निर्वाचित भइसकेपछि परियोजना संचालन भएका क्षेत्रमा पुगेर अनुगमन गर्दा पालिकाले गर्नुपर्ने काम संस्थाले गरेको भन्दै त्यसलाई पूर्णता दिने प्रतिबद्धता जनाए ।

सभामा स्थानीय समुहका पदाधिकारीले उठाएका स्थानीय समस्या समाधानका लागि पहल गर्ने बताइएको छ । सभामा उपाध्यक्ष लक्ष्मी अधिकारी, कार्यपालिका सदस्य चन्द्रकला विक, नागरिक अभियन्ता देवकमल पौडेल, स्थानीय सभाका संयोजक हरि बहादुर घर्ती लगायतले बोलेका थिए । संस्थाका कार्यक्रम संयोजक रविन्द्र कुमार ज्ञवालीले सञ्चालन गरेको सभामा जनप्रतिनिधि, कर्मचारी, स्थानीय नागरिकहरुको सहभागिता रहेको थियो ।

त्यस अवसरमा मानव अधिकारको दृष्टिकोणले सूचना प्रणाली व्यवस्थापनका बारेमा अभिमुखीकरण गर्दै समीक्षा गरिएको थियो ।

प्रकाशित मिति: सोमबार, असार १३, २०७९ १६:१३

प्रतिक्रिया दिनुहोस्