नेपालगञ्जका ५ वटा वडामा बढी गर्मी !

स्थानीय

गृहपृष्ठ
स्थानीय
नेपालगञ्जका ५ वटा वडामा बढी गर्मी !

नेपालगञ्जका ५ वटा वडामा बढी गर्मी !

तातो हावाको सबैभन्दा बढी जोखिममा श्रामिकहरु

सोमबार, असार १३, २०७९ बागेश्वरी पोस्ट

नेपालगञ्ज । नेपाल रेडक्रस सोसाइटी बाँके जिल्ला शाखाको आयोजनामा लु (तातो हावाको लहर) प्रतिकार्य कार्यक्रम सम्बन्धि सरोकारवाला बीच समन्वय कार्यशाला आज नेपालगञ्जमा सम्पन्न भएको छ ।

No description available.

नेपालकै सबैभन्दा बढी गर्मी हुने ठाउँ मध्ये बाँके जिल्लामा हरेक वर्ष गर्मीयाममा तापक्रम ४० डिग्री सेल्सियस भन्दा बढी हुने गरेको र नेपालगञ्ज उपमहानगरपालिकाको १३, १४, १९, २१ र २२ नम्बर वडामा सबैभन्दा बढी गर्मी हुने समुदाय रहेको एक अध्ययनले देखाएको छ । उक्त प्रतिवेदनमा लु (तातो हावाको लहर) को कारण मानिसको स्वास्थ्यमा पर्ने असर कम गर्न आगामी दिनमा गर्न सकिने केही महत्वपूर्ण कार्यहरुको बारेमा सुझाव पनि दिइएको छ ।

No description available.

नेपालगञ्ज उपमहानगरपालिकाका मेयर प्रशान्त विष्टले अनुसन्धानमूलक अध्ययनबाट आएको सुझावको आधारमा गतिविधिहरु निर्धारण गरिनुका साथै आगामी दिनमा उपमहानगरपालिकाको योजनामा समावेश गरिने प्रतिबद्धता व्यक्त गरे । उनले यस कार्यक्रमको पहल गर्ने निकाय नेपाल रेडक्रसलाई धन्यवाद समेत व्यक्त गरे । तातो हावाको सबैभन्दा बढी जोखिममा श्रामिकहरु रहेको कार्यक्रममा बताइएको छ । आगामी दिनमा गरिने कार्यक्रमहरुको बारेमा सहभागीहरुले विभिन्न ३ वटा विषयमा केन्दित रही आप्mना सुझाव तथा सिफारिसहरु प्रस्तुत गरेका थिए ।

No description available.

नेपाल रेडक्रस सोसाइटी बाँके शाखाका सभापति गोवर्धन सिंह सम्झनाको अध्यक्षतामा सम्पन्न कार्यक्रममा मन्त्री अजिज अहमद सिद्दिकी, कोषाध्यक्ष राकेशबहादुर श्रीवास्तव, नेपालगञ्ज उपमहानगरपालिका क्षेत्र भित्रका नेपाल रेडक्रस सोसाइटीका उपशाखाका सभापतिहरु, सचिव एवं सरकारी तथा गैरसरकारी निकायका प्रमुख एवं प्रतिनिधिको सहभागिता रहेको थियो । कार्यक्रममा नेपाल रेडक्रस सोसाइटी बाँके शाखाका उपनिर्देशक दोलखबहादुर डाँगीले कार्यक्रमद्वारा भए गरेका गतिविधिहरुका प्रस्तुति र यस कार्यक्रमका परामर्शकर्ता आश्मा सुवेदीले अध्ययन प्रतिवेदन प्रस्तुत गरेका थिए ।

No description available.