अवरुद्ध नाला खुलाउन नगर प्रमुख विष्ट जेसिबीसहित फिल्डमा

स्थानीय

गृहपृष्ठ
स्थानीय
अवरुद्ध नाला खुलाउन नगर प्रमुख विष्ट जेसिबीसहित फिल्डमा

अवरुद्ध नाला खुलाउन नगर प्रमुख विष्ट जेसिबीसहित फिल्डमा

बुधबार, असार १५, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाका नगर प्रमुख प्रशान्त विष्ट गएरातीदेखि परेको अविरल पानीको सहज निकासका लागि अवरुद्ध नाला खुलाउन जेसिबीसहित फिल्डमा खटिएका छन् ।

नेपालगञ्जमा गएरातीदेखि विहानसम्म परेको अबिरल बर्षाका कारण ठाउँ-ठाउँमा जमेको पानीको निकासका लागि नगर प्रमुख विष्ट जेसिबीसहित आफैं फिल्डमा खटिएका हुन् । वडा नम्बर ४ र ६ का विभिन्न बस्तीहरुमा पुगेर उनले त्यहाँको अवस्था अवलोकन गरेका थिए ।

वडा नम्बर ४ को सेतु विकचोक नजिकै न्यूरोडमा बागेश्वरी क्युएफएक्सको अगाडि नाला अबरुद्ध हुँदा सडकमा पानी जमेको थियो । जेसिबीले त्यहाँ नाला सफा गरेको थियो । बसपार्कदेखि पुरैनी कान्तिताल जाने बाटोमा वडा नम्बर ६ स्थित टोलमा निकास नपाएर थुनिएको पानीलाई जेसिबीको सहायताबाट ह्युमपाइप सफा गरी निकास दिइएको छ । कतिपय नाला भएको ठाउँमा बाटो र घर वरिपरि जम्मा भएको पानीलाई पनि निकास दिइएको छ ।

"बर्षा सुरु हुनुअघि नै हामीले नगरका धेरैजसो नाला सफा गरिसकेका थियौं, धैरै ठाउँमा पानीको सहज निकास भएको देखिएको छ, तर, केही ठाउँमा समस्या देखिएपछि म आफैं ती ठाउँहरुमा पुगेर पानीको निकास दिने काम भएको छ," नगर प्रमुख विष्टले भने-"कतिपय ठाउँमा बाटो मात्रै बनेको छ, नाला छैन, घर बनेका छन्, पानीको निकास छैन, त्यसकारण समस्या भएको हो, ती ठाउँहरुमा म विहानै पुगेर समस्या समाधान गरिएको छ ।"

फोटोफिचर

May be an image of 4 people, people standing and outdoors May be an image of 5 people, people standing and body of water May be an image of 7 people, child, people sitting, people standing and outdoors May be an image of 5 people and outdoors May be an image of 2 people, people standing, body of water and road May be an image of 6 people, people standing and outdoors May be an image of 3 people, body of water, road and street