जमुनाहाबाट २५० बोरा सरसिउको जस्तो मसिनो दाना भएको वस्तु बरामद

स्थानीय

गृहपृष्ठ
स्थानीय
जमुनाहाबाट २५० बोरा सरसिउको जस्तो मसिनो दाना भएको वस्तु बरामद

जमुनाहाबाट २५० बोरा सरसिउको जस्तो मसिनो दाना भएको वस्तु बरामद

परीक्षणका लागि भन्सार पठाइयो

शुक्रबार, असार १७, २०७९ बागेश्वरी पोस्ट

नेपालगञ्ज । बाँकेमा शंकास्पद वस्तुसहित एक भारतीय कन्टेनर प्रहरीले नियन्त्रणमा लिएको छ । आज नेपालबाट भारततर्फ जाँदै गरेको कन्टेनरमा अवैध वस्तु भएको गोप्य सूचनाका आधारमा प्रहरीले नियन्त्रणमा लिएको जमुनाह प्रहरी चौकीका इन्चार्ज माधव रिजालले जानकारी दिए ।

उनका अनुसार कन्टेनर खाली देखिए पनि अगाडिको भागमा वेल्डिङ गरेर २५० वटा बोरामा सरसिउको जस्तो मसिनो दाना भएको वस्तु लुकाइएको अवस्थामा फेला परेको छ प्रहरीले उक्त दाना ह्वाइट पप्पी सीड जस्तो देखिएको बताएको छ । ह्वाइट पप्पी सीड दुई खाले हुने भएकाले के हो भन्नेबारे अझै यकिन भइनसकेको रिजालले बताए ।

अफिमको बीउ हो वा केकमा राखिने वस्तु हो भन्नेबारे परीक्षणपछि मात्रै यकिन हुने उनको भनाई छ । अनुसन्धानमा खटिएका एक प्रहरी अधिकारीका अनुसार उक्त कन्टेनरमा राखिएका बोरामा ब्राउन सुगर र सुन राखिएको भन्ने सूचना प्रहरीलाई प्राप्त भएको थियो । गोप्य सूचनाका आधारमा प्रहरीले कन्टेनर नियन्त्रणमा लिएर चेकजाँज गर्ने क्रममा उक्त सामान भेटिएको प्रहरीले जनाएको छ ।

प्रहरीले कन्टेनर र सामान बरामद गरे पनि कन्टेनरका चालक र सहचालक भने फरार छन् । प्रहरीले कन्टेनर र त्यसमा भेटिएको २५० बोरा ह्वाइट पप्पी सीड जस्तो देखिने सामानलाई भन्सार कार्यालय नेपालगन्जमा पठाएको छ ।

प्रकाशित मिति: शुक्रबार, असार १७, २०७९ १५:४०

प्रतिक्रिया दिनुहोस्