नेपालगञ्जमा सफल ब्यवसायीलाई सम्मान

स्थानीय

गृहपृष्ठ
स्थानीय
नेपालगञ्जमा सफल ब्यवसायीलाई सम्मान

नेपालगञ्जमा सफल ब्यवसायीलाई सम्मान

मंगलबार, असार २१, २०७९ बागेश्वरी पोस्ट

नेपालगञ्ज । नेपालगन्ज उपमहानगरपालिकाले साझेदारी विकास कार्यक्रम अन्तर्गत् लघु कर्जा लिएर सफल हुँदै गरेका ब्यवसायीहरुलाई पुरस्कारसहित सम्मान गरेको छ ।

आज नेपालगञ्ज उपमहानगरपालिकाले आयोजना गरेको कार्यक्रममा १७ जना ब्यवसायीहरुलाई पुरस्कारसहित सम्मान गरिएको हो । उनीहरुलाई नगर प्रमुख प्रशान्त विष्ट र वडा नम्बर २० का वडा अध्यक्ष कौशलकुमार धोवीले सम्मान गरे ।

सो कार्यक्रममा नगर प्रमुख विष्टले साझेदारी विकास कार्यक्रम प्रभावकारी देखिएको भन्दै उपमहानगरको प्राथमिकतामा परेको बताए । उनले सानो लगानीबाट पनि राम्रो आम्दानी गर्न सकिने भएकाले उपमहानगरले यसलाई निरन्तरता दिने बताए । वडा नम्बर २० का वडा अध्यक्ष धोवीले नागरिकताको भरमा नगरभित्र करिब चार करोड लगानी गरिएको भन्दै यो देशमै नमूनायोग्य काम भएको बताए ।

सामाजिक विकास शाखा प्रमुख कृष्णप्रसाद जोशीले नेपालगञजको २० वडामा हालसम्म यो कार्यक्रम सञ्चालन गरिएको भन्दै २० हजारदेखि दुई लाख रुपैयाँसम्म सहुलियत ब्याजदरमा ऋण उपलब्ध गराउने गरिएको बताए । उपमहानगरपालिकाले नियमित किस्ता र ब्याज बुझाउने, तोके अनुसारको ब्यवसाय सञ्चालन गर्ने ब्यवसायीलाई नगद ५ हजारसहित सम्मान गरेको हो ।

प्रकाशित मिति: मंगलबार, असार २१, २०७९ २१:२४

प्रतिक्रिया दिनुहोस्