राप्ती नदीमा बेपत्ता भएका कामीको शव भेटियो

स्थानीय

गृहपृष्ठ
स्थानीय
राप्ती नदीमा बेपत्ता भएका कामीको शव भेटियो

राप्ती नदीमा बेपत्ता भएका कामीको शव भेटियो

बिहीबार, असार २३, २०७९ बागेश्वरी पोस्ट

नेपालगन्ज। बाँकेमा राप्ती नदीमा नुहाउने क्रममा डुबेर बेपत्ता भएका नर बहादुर कामीको शव फेला परेको छ।

राप्तीसोनारी गाउँपालिका वडा नम्बर ५ गोरधुईका २६ बर्षीय कामी बुधबार दिउँसो इन्टेक नजिकै राप्ती नदीमा नुहाउने क्रममा डुबेर बेपत्ता भएका थिए ।

कामी बेपत्ता भएको खबर पाउना साथ राप्तीसोनारी गाउँपालिका अध्यक्ष तप्त बहादुर पौडेलले तत्काल सशस्त्र प्रहरी बल नम्बर ४२ गण शम्शेरगन्ज र बैजापुर प्रहरी चौकीलाई घटनास्थलमा जान जानकारी गराएका थिए।

जानकारी पाए लगत्तै सशस्त्र प्रहरी बल शम्शेरगन्जबाट सशस्त्र प्रहरी निरीक्षकसहितको टोली र ईलाका प्रहरी कार्यालय बैजापुरबाट प्रहरी नायब निरीक्षक डाँगीको टोलीले पुगेर खोजतलास गरेपनी आज बिहान साढे ११ बैजापुर प्रहरी चौकीका इन्चार्ज डाँगीको कमान्डको टोली र स्थानीयले राप्तीसोनारी ६ ढलैया घाटबाट कामीको शव फेला पारेको जिल्ला प्रहरी बाँकेले जनाएको छ।

कामीको शवलाई पोस्टमार्टमका लागि भेरी अस्पताल ल्याइएको जिल्ला प्रहरी बाँकेले जनाएको छ।

प्रकाशित मिति: बिहीबार, असार २३, २०७९ १९:२३

प्रतिक्रिया दिनुहोस्