दंगीशरणमा अक्षयकोष घोषणा र छात्रवृत्ति वितरण

स्थानीय

गृहपृष्ठ
स्थानीय
दंगीशरणमा अक्षयकोष घोषणा र छात्रवृत्ति वितरण

दंगीशरणमा अक्षयकोष घोषणा र छात्रवृत्ति वितरण

आइतबार, असार २६, २०७९ बागेश्वरी पोस्ट

दंगीशरण (दाङ) । स्मृति कोष घोषणा तथा छात्रवृत्ति बितरण कार्यक्रम सम्पन्न भएको छ । स्वर्गीय जगदिश नेपाली स्मृति कोषको आयोजनामा दंगीशरण गाउँपालिकाको शभाहलमा कार्यक्रम सम्पन्न भएको हो ।

सामाजिक अभियन्ता स्वर्गीय नेपालीकी धर्मपत्नी सितरा नेपाली बादीले सामुदायिक विद्यालयमा अध्यययनरत बिपन्न तथा जेहन्दार बिद्यार्थीहरुका लागि आफ्नो पतिको सम्झनामा अक्षकोष स्थापना गरेकी हुन् । सितराको सभापतित्व एवम् नेपाली कांग्रेसका केन्द्रीय सदस्य तथा पूर्व सिंचाई मन्त्री दीपक गिरीको प्रमुख आतिथ्यता एवम् गाउँपालिका अध्यक्ष शम्भु गिरीको विशिष्ट आतिथ्यतामा कार्यक्रम समपन्न भएको हो ।

कार्यक्रममा बोल्दै केन्द्रीय सदस्य गिरीले दलित र बादी समुदायको उत्थानको अभियानमा अग्रणीय भूमिका खेल्ने स्वर्गीय नेपालीको उच्च प्रशंसा गरे । त्यसक्रममा पूर्व मन्त्री गिरीले आफ्नो ९ महिने कार्यकालमा आफूले पश्चिम दाङमा थुप्रै विकासका योजना अगाडि बढाएको तर त्यसको 'जस' अरुले लिन खोज्ने परिपाटी मौलाएको भन्दै दु:ख ब्यक्त गरे । क्षेत्र नम्बर ३ का विकासका संरचनाहरु आफ्नो पालामा भएको भन्दै उनले समाजमा बुझाउन आवश्यक रहेको समेत बताए ।दंगीशरण गाउँपालिकाका अध्यक्ष गिरीले अल्पसंख्यक समुदायबाट प्रतिनिधित्व गर्दै समाज रुपान्तरण र सभ्य समाज निर्माणमा नेपालीले खेलेको भूमिका प्रशंसनीय रहेको बताए ।

अक्षयकोष घोषणा कार्यक्रममा धर्मपत्नी सितराले ५० हजार, नेपाली कांग्रेसका तुलसीपुर नगर सभापति सुरेश हमालले ११ हजार १ सय ११, धर्मपत्नी सितराको माइती पक्षबाट १६ हजार, मनोहर बुढाथोकीबाट ३० हजार, साबित्रा नेपालीबाट १० हजार, हमित मियाँबाट १० हजार, जिते नेपालीबाट १० हजार रकम अक्षकोषको लागि घोषणा गरिएको छ ।

यसैबीच कार्यक्रममा दंगीशरण गाउँपालिका भित्रका विभिन्न ५ वटा सामुदायिक विद्यालयका बिपन्न तथा जेहेन्दार विद्यार्थीहरुलाई शैक्षिक सामग्रीहरु झोला, कापी, कलम बितरण गरिएको थियोे ।

अक्षकोष घोषणा कार्यक्रममा नेपाली कांग्रेस तुलसीपुर उपमहानगरपालिकाका सभापति हमाल, नेपाली कांग्रेस क्षेत्र नम्बर ३ का सभापति जगतबहादुर खड्का, क्षेत्र नम्बर ३ ख का सभापति खिम बहादुर वली, दलित संघका लुम्बिनी प्रदेश संयोजक जोगेन्द्र बिश्वकर्मा लगायत नेताहरुको उपस्थिति रहेको थियो ।

प्रकाशित मिति: आइतबार, असार २६, २०७९ २२:३५

प्रतिक्रिया दिनुहोस्