भौतिक पूर्वाधार मन्त्री राईलाई नेपालगञ्ज उपमहानगरपालिकाको सम्मान

स्थानीय

गृहपृष्ठ
स्थानीय
भौतिक पूर्वाधार मन्त्री राईलाई नेपालगञ्ज उपमहानगरपालिकाको सम्मान

भौतिक पूर्वाधार मन्त्री राईलाई नेपालगञ्ज उपमहानगरपालिकाको सम्मान

कार्यकाल छोटो भएपनि नेपालगञ्जको मुहार फरिने गरी काम गर्छुःमन्त्री राई

मंगलबार, असार २८, २०७९ बागेश्वरी पोस्ट

नेपालगञ्ज । भौतिक पूर्वाधार तथा यातायात मन्त्री मोहम्मद इस्तियाक राईलाई आज स्वागत तथा सम्मान गरिएको छ । बाँके क्षेत्र नम्बर २ बाट निर्वाचित सांसद समेत रहेका नवनियुक्त मन्त्री राईलाई नेपालगञ्ज उपमहानगरपालिकाले औपचारिकरुपमा स्वागत तथा सम्मान गरेको हो ।

नगर प्रमुख प्रशान्त विष्ट, उपप्रमुख कमरुद्धिन राई, प्रमुख प्रशासकीय अधिकृत जगत बस्नेत, वडा अध्यक्ष तथा कार्यपालिका सदस्य र कर्मचारीहरुले मन्त्री राईलाई स्वागत तथा सम्मान गर्दै बधाई ज्ञापन गरे । नगर प्रमुख विष्टले राईको कार्यकालमा नेपालगञ्जले लाभ पाउने बिश्वास ब्यक्त गरे । उनले छोटो समयावधिमा पनि मन्त्री राईले नेपालगञ्ज र बाँके जिल्लाका लागि दीर्घकालीन महत्व राख्ने योजना अगाडि बढाउने आशा र अपेक्षा राखिएको बताए । उपप्रमुख राईले मन्त्री राईको कार्यकालमा नेपालगञ्जले विकासको थप फड्को मार्ने भन्दै यहाँ चक्रपथ निर्माणका लागि ध्यान दिन आग्रह गरे ।

मन्त्री राईले आफ्नो कार्यकाल छोटो भएपनि नेपालगञ्जको मुहार फरिने गरी काम गर्ने बताए । दुई वटा ठूला योजना केही दिनमै सार्वजनिक गर्ने प्रतिवद्धता ब्यक्त गर्दै उनले यसले दीर्घकालीन फाइदा पुग्ने बताए । मन्त्रालय मातहत विभिन्न विकास निर्माणका काम भइरहेको भन्दै उनले मन्त्रीको गृह जिल्ला भएकाले उच्च प्राथमिकतामा पर्ने बताए । उनले अन्य मन्त्रालयसँग समेत समन्वय र सहकार्यमा काम अघि बढाउने बताए ।

प्रकाशित मिति: मंगलबार, असार २८, २०७९ १३:४४

प्रतिक्रिया दिनुहोस्