ब्राउनसुगरसहित तिन जना फेरि जमुनाह बिओपीको फन्दामा

सुरक्षा-अपराध

गृहपृष्ठ
सुरक्षा-अपराध
ब्राउनसुगरसहित तिन जना फेरि जमुनाह बिओपीको फन्दामा

ब्राउनसुगरसहित तिन जना फेरि जमुनाह बिओपीको फन्दामा

मंगलबार, असार २८, २०७९ बागेश्वरी पोस्ट

नेपालगन्ज । सशस्त्र प्रहरीले नेपालगन्जको अवैध सिमा नाकाबाट लुकिछिपी गर्दै आइरहेका ३ जनालाई लागूऔषधसहित पक्राउ गरेको छ।

सशस्त्र प्रहरीको जमुनाह बिओपीबाट गस्तीमा खटिएको सशस्त्र प्रहरी सहायक निरीक्षक राम बहादुर शाहीको कमान्डको टोलीले फेरि आज दिउँसो पौने ४ बजे भारतको रुपईडिहाबाट नेपालगन्ज १५ जमुनाह गाउँ हुँदै नेपालगन्ज आउँदै गरेका २ जना भारतीय नागिरकसहित अर्का १ जना नेपालीलाई लागूऔषधसहित पक्राउ गरेको सशस्त्र प्रहरी बल जमुनाह बिओपी भन्सारका प्रमुख सशस्त्र प्रहरी निरीक्षक जीवनलाल बुढाले जानकारी दिएका छन् ।

लागूऔषधसहित पक्राउ पर्नेमा भारतको बाबागन्जका २२ बर्षीय दुबद कवाडीया , सोही स्थानकै २८ बर्षीय सलमान खान र बैजनाथ ४ नौलापुरका २६ बर्षीय कृष्ण मोहन थारुलाई १ ग्राम ब्राउनसुगर ,ब्राउनसुगर सेवन गर्नका लागि बेटारिएका भारतीय रुपैयाँ र ३ थान मोबाइल बरामद गरेको सशस्त्र प्रहरी निरीक्षक बुढाले बताए।

जमुनाह गाउँ हुँदै शंंकास्पद तरिकाले अवैध बाटो प्रयोग गरि आउँदै गरेका उनीहरुलाई सशस्त्र प्रहरी सहायक निरीक्षक शाहीले चेक जाँच गर्दा कालो प्लाष्टिकमा बेरेर राखिएको अवस्थामा ब्राउनसुगर फेला परेको हो। आज बिहान मात्रै सोही जमुनाह बिओपीले नेपालगन्ज भन्सार अगाडिबाट ब्राउनसुगरसहित नेपालगन्जका एक युवकलाई पक्राउ गरेको थियो।

बरामद गरिएका लागूऔषध र पक्राउ परेका तिनै जनालाई आबश्यक कारबाहीका लागि जिल्ला प्रहरी कार्यालय बुझाइएको सशस्त्र प्रहरी निरीक्षक बुढाले जानकारी दिएका छन् ।

प्रकाशित मिति: मंगलबार, असार २८, २०७९ १८:३०

प्रतिक्रिया दिनुहोस्