विवाह बर्षगाँठमा जागेश्वर र संगमले भेरीलाई दिए पिउने पानीका लागि 'एकवा गार्ड'

स्थानीय

गृहपृष्ठ
स्थानीय
विवाह बर्षगाँठमा जागेश्वर र संगमले भेरीलाई दिए पिउने पानीका लागि 'एकवा गार्ड'

विवाह बर्षगाँठमा जागेश्वर र संगमले भेरीलाई दिए पिउने पानीका लागि 'एकवा गार्ड'

मंगलबार, असार २८, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिकाका जनस्वास्थ्य निरीक्षक जागेश्वर बस्नेतले भेरी अस्पतालमा एकवा गार्ड र फलफुल सहयोग गरेका छन् ।

जनस्वास्थ्य निरीक्षक बस्नेत र उनकी पत्नी संगम रावत बैरागीले आफ्नो १० औं विवाह बर्षगाँठको अवसरमा आज भेरी अस्पतालमा रहेको पोषण गृहलाई स्वच्छ पिउने पानीका लागि एकवा गार्ड सहयोग गरेका हुन् ।

जनस्वास्थ्य निरीक्षक बस्नेतले केही सामाजिक कार्य गर्नुपर्ने साेंचका साथ गर्न सकिने सानाे सहयाेग स्वारूप फिल्टर जडान गरिएको बताए । सानैदेखि सामाजिक काम गर्दै आएका बस्नेत परिवारले भेरी अस्पतालका मेसु डा. बद्री चापागाईं, जिल्ला काेभिड फाेकल पर्सन तेज वली, अस्पतालकाे गृहमा कार्यरत कर्मचारीकाे उपस्थितिमा उक्त सामग्री सहयोग गरेका हुन् ।

पोषण गृहमा स्वच्छ खानेपानीकाे अभाव भएका हुनाले हालसम्म जारकाे पानी खाने गरिएकाे थियाे तर आज बस्नेत दम्पतीले अकवा गार्ड सहयोग गर्नाले पोषण गृहमा पानीको समस्या समाधान भएको एक कर्मचारीले बताए । हाल त्यहाँ ८ जना बालबालिका भर्ना छन् ।

गृहमा ६ महिनादेखि ५ वर्ष उमेरका बालबालिकालाई राख्ने गरिन्छ । बस्नेत दम्पतीले प्रत्येक वर्ष यसरी नै समाजिक कार्य गर्दै आएका छन् । काेराना कहरका बेला नेपालगन्जमा सक्रियताका साथ लागेर कोरोना संक्रमितलाई अहोरात्र सेवा गरेका बस्नेत दुई पटक आफैं कोरोना संक्रमित भएका थिए । बस्नेत पत्नी संगम पनि स्वास्थ्यकर्मी हुन् ।