नेपालगन्जको जमुनाह बिओपीले फेरि बरामद गर्यो ठुलो परिमाणको लागूऔषध

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनाह बिओपीले फेरि बरामद गर्यो ठुलो परिमाणको लागूऔषध

नेपालगन्जको जमुनाह बिओपीले फेरि बरामद गर्यो ठुलो परिमाणको लागूऔषध

सशस्त्र प्रहरीको निगरानीमा लागूऔषध कारोबारी

बुधबार, असार २९, २०७९ बागेश्वरी पोस्ट

बरामद गरिएको लागूऔषध ट्रमाडोल

नेपालगन्ज । सशस्त्र प्रहरीले नेपालगन्जको सिमा नाका नजिकैबाट आज फेरि अवैधरुपमा राखिएको ठुलो परिमाणमा लागूऔषध बरामद गरेको छ ।

सशस्त्र प्रहरी बल जमुनाह बिओपीबाट सशस्त्र प्रहरी नायब निरीक्षक अर्जुन कार्कीको कमान्डमा सिमा नाकामा खटिएको टोलीले आज बिहान साढे ११ बजे नेपालगन्ज १५ जमुनाह गाउँ नजिकै बेवारिसे अवस्थामा राखिएको ठुलो परिमाणको लागूऔषध ट्रमाडोल क्याप्सुल बरामद गरेको जमुनाह बिओपीका इन्चार्ज सशस्त्र प्रहरी निरीक्षक जीवनलाल बुढाले जानकारी दिएका छन् ।

सिमा नाका नजिकै शंकास्पद तरिकाले प्लास्टिकमा बेरेर राखिएको अवस्थामा चेक जाँचका क्रममा सशस्त्र प्रहरीले ४८० क्याप्सुल ट्रमाडोल लागूऔषध बरामद गरेको सशस्त्र प्रहरी निरीक्षक बुढाले बताए ।

बरामद गरिएको लागूऔषध ट्रमाडोललाई आबश्यक कारबाहीका लागि सम्बन्धित कार्यालयमा पठाइएको सशस्त्र प्रहरी निरीक्षक बुढाले जानकारी दिएका छन् ।

हिजो पनि सशस्त्र प्रहरीको जमुनाह बिओपीले नेपालगन्ज भन्सार कार्यालय अगाडिबाट एक जना र जमुनाह गाउँबाट ब्राउन सुगरसहित तीन जनालाई पक्राउ गरी आबश्यक कारबाहीका लागि जिल्ला प्रहरी कार्यालय बाँकेमा बुझाइसकेको छ । सशस्त्र प्रहरीले अवैध तस्करी विरुद्ध मात्र नभएर लागूऔषध ओसारपसार गर्ने गिरोहलाई पनि निगरानी बढाउदै आइरहेको छ।

प्रकाशित मिति: बुधबार, असार २९, २०७९ १२:१२

प्रतिक्रिया दिनुहोस्