चितुवाको आक्रमणबाट पाँच जना घाइते

समाचार

गृहपृष्ठ
समाचार
चितुवाको आक्रमणबाट पाँच जना घाइते

चितुवाको आक्रमणबाट पाँच जना घाइते

बिहीबार, असार ३०, २०७९ बागेश्वरी पोस्ट

नेपालगञ्ज । काठमाडौंको नागर्जुनमा चितुवाको आक्रमणमा परी पाँच जना घाइते भएका छन् । नागार्जुन नगरपालिका वडा नम्बर ८ भीमढुङ्गा दर्शन खोलामा चितुवाको आक्रमणबाट एकै परिवारका चार जनासहित पाँच जना घाइते भएका हुन् ।

मध्यरातमा करिब १ बजे घरसँगै रहेको कुखुरा पालेको छाप्रोमा चितुवा पसेपछि लखेट्न जाँदा चितुवाले आक्रमण गरेको वडाध्यक्ष सुरज कुमार पोखरेलले बताए ।

घाइतेहरुलाई उपचारको लागि राति नै मनमोहन अस्पताल लगिएको थियो । उनका अनुसार घाइते भएका पाँच जना मध्ये दुई जना डिस्चार्ज भएका छन् भने तीन जनाको उपचार भइरहेको छ ।

उपचार भइइरहेको मध्ये हजुरआमाको अवस्था गम्भीर रहेको छ । कुखुरा कुरेर त्यहीँ छाप्रोमा बसेका राम भट्टराईले खोरमा विरालो पस्यो भनेर बाबुआमालाई बोलाउन गएका थिए ।

विरालो भनेर धपाउन जाँदा चितुवाले हजुरआमा सानीमैया भट्टराई बुबा कुमार भट्टराई, आमा सरस्वतिलाई आक्रमण गरेको थियो । हल्लाखल्ला भएपछि पुगेका छिमेकी सुविन भट्टराई समेत घाइते भए ।

आमा सरस्वतीका हात भाँचिएको छ भने बुबा कुमारको घाँटी र टाउकोमा चोट लागेको छ । हजुरआमाको टाउकोमा चोट लागेर टाँका लगाइएको छ भने रामको हातमा चोट लागेको छ ।

प्रकाशित मिति: बिहीबार, असार ३०, २०७९ ०८:३१

प्रतिक्रिया दिनुहोस्