कोहलपुर नगरपालिकाको नयाँ अत्याधुनिक भवन शिलान्यास

स्थानीय

गृहपृष्ठ
स्थानीय
कोहलपुर नगरपालिकाको नयाँ अत्याधुनिक भवन शिलान्यास

कोहलपुर नगरपालिकाको नयाँ अत्याधुनिक भवन शिलान्यास

शुक्रबार, असार ३१, २०७९ बागेश्वरी पोस्ट

नेपालगञ्ज । कोहलपुर नगरपालिकाको नयाँ अत्याधुनिक भवन बन्ने भएको छ । नयाँ बन्ने भवनको आज शिलान्यास गरिएको छ । विहान नगर प्रमुख पूर्णप्रसाद आचार्य र उपप्रमुख संगिता सुवेदीले शिलान्यास गरेका हुन् ।

२०८१ साल पौषसम्म निर्माण सम्पन्न गर्ने गरी निर्माण थालिएको भवनको ठेक्का ज्वाइन्ट भेन्चरमा काम गरिरहेका एसोसियट, जय भवानी र रन्जितकार जेभीले पारेका छन् । १५ करोड ३८ लाखको लागतमा नयाँ अत्याधुनिक भवन बन्नेछ ।

स्थानीय सरकारको ९ करोड र स्थानीय पूर्बाधार विकास विभागको ६ करोड अनुदान लागत साझेदारीमा साढे ५ तले अत्याधुनिक प्रशासकीय भवन निर्माण हुने नगर प्रमुख आचार्यले बताए ।

भवन अभावका कारण अहिले दैनिक प्रशासनिक काम कार्वाही गर्न अत्यन्तै कठिन भइरहेको नगर प्रमुख आचार्यले बताए । उक्त अत्याधुनिक भवन बने पश्चात् नगरपालिकाका सबै शाखाको कार्य त्यहीँ बाट सुरु हुनेछ। नगर विकास समितिको भवन भएकै ठाउँमा कोहलपुर नगरपालिकाको भवन बन्न लागेको हो।

प्रकाशित मिति: शुक्रबार, असार ३१, २०७९ १२:४२

प्रतिक्रिया दिनुहोस्