भ्रम फैलाइएको भन्दै नेपालगन्जको वडा नम्बर ५ द्वारा गम्भीर ध्यानाकर्षण

स्थानीय

गृहपृष्ठ
स्थानीय
भ्रम फैलाइएको भन्दै नेपालगन्जको वडा नम्बर ५ द्वारा गम्भीर ध्यानाकर्षण

भ्रम फैलाइएको भन्दै नेपालगन्जको वडा नम्बर ५ द्वारा गम्भीर ध्यानाकर्षण

शुक्रबार, असार ३१, २०७९ बागेश्वरी पोस्ट

नेपालगन्ज । नेपालगन्ज उपमहानगरपालिका वडा नम्बर ५ कार्यालयले वडाका विषयमा सामाजिक संजालमा पोष्ट गरिएको भिडियोप्रति गम्भीर ध्यानाकर्षण भएको जनाएको छ ।

वडा अध्यक्ष सराफत हुसेन शेष र वडा सचिव इन्द्र बहादुर केसीले आज विज्ञप्ती निकालेर असार ३० गते विहिबार Rahul KC नामको फेसबुक प्रयोगकर्ताबाट वडा कार्यालयमा समयमा कर्मचारी नआउने र सेवाग्राहीहरुलाई दुःख दिने गरेको भनी पोष्ट गरिएको भिडियोप्रति वडा कार्यालयको गम्भीर ध्यानाकर्षण भएको जनाएका छन् ।

विज्ञप्तीमा वडा कार्यालयबाट गरिने सेवा प्रवाहमा कुनै पनि कारणले सेवाग्राहीहरुलाई दुःख दिने नगरेको र कर्मचारीहरु कार्यालय समयमा उपस्थित भई सेवा प्रवाह गरिरहेको जनाइएको छ । साथै भिडियो खिचेको समयमा अन्य सम्पूर्ण कर्मचारी कार्यालयमै रहेको र भिडियोमा समयमा उपस्थित नभएका भनिएका कर्मचारी कामको सिलसिलामा फिल्डमा गएको भन्दै भ्रममा नपर्न आग्रह गरिएको छ ।