नेपालगन्जको जमुनाहबाट ब्राउन सुगरसहित तीन जना पक्राउ

सुरक्षा-अपराध

गृहपृष्ठ
सुरक्षा-अपराध
नेपालगन्जको जमुनाहबाट ब्राउन सुगरसहित तीन जना पक्राउ

नेपालगन्जको जमुनाहबाट ब्राउन सुगरसहित तीन जना पक्राउ

आइतबार, साउन १, २०७९ बागेश्वरी पोस्ट

नेपालगन्ज । नेपालगन्जको जमुनाहाबाट नेपाल प्रहरीको टोलीले लागूऔषध ब्राउन सुगरसहित तीन जनालाई पक्राउ गरेको छ ।

लागूऔषधको कारोबार भइरहेको भन्ने सूचनाका आधारमा सिमा प्रहरी चौकी जयसपुरका प्रमुख प्रहरी नायब निरीक्षक राजेन्द्र सिंह पुजाराको कमाण्डमा गएको लागूऔषध नियन्त्रण व्युरोको टोलीले आज दिउँसो नेपालगन्ज १४ का ५५ वर्षीय अञ्जन खाँ, नेपालगन्ज १६ का २६ वर्षीय दिलदार अन्सारी र २८ वर्षीय इरफान जोलाहलाई ब्राउन सुगरसहित पक्राउ गरेको जिल्ला प्रहरी कार्यालय बाँकेले जानकारी दिएको छ ।

जमुनाहमा पक्राउ परेका खाँले अन्सारी र जोलाहलाई ब्राउनसुगर विक्री गर्न गइरहेको खबर प्राप्त हुनासाथ प्रहरी नायब निरीक्षक पुजाराको कमाण्डको टोलीले उनीहरुको साथबाट १ ग्राम ८ सय मिलिग्राम ब्राउन सुगरसहित रङ्गेहात पक्राउ गरेको हो ।

पक्राउ परेका तीनै जनालाई हिरासतमा लिएर लागूऔषध कसुरमा थप अनुसन्धान भइरहेको जिल्ला प्रहरी कार्यालय बाँकेले जनाएको छ ।

प्रकाशित मिति: आइतबार, साउन १, २०७९ १६:१७