नेपालगञ्जमा मेयर प्रशान्त अटो रिक्सामा !

स्थानीय

गृहपृष्ठ
स्थानीय
नेपालगञ्जमा मेयर प्रशान्त अटो रिक्सामा !

नेपालगञ्जमा मेयर प्रशान्त अटो रिक्सामा !

आइतबार, साउन १, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाका प्रमुख प्रशान्त बिष्ट आज उपमहानगरपालिकाको कार्यालयबाट करिब ६ किलोमिटरको दुरीमा रहेको विमानस्थलबाट विद्युतीय अटो रिक्सामा फर्किए । आज उनी कार्यालयमा समेत विद्युतीय अटो रिक्सा र र पैदलै पुगे ।

इन्धन खर्चमा मितब्ययिता कायम गर्ने उद्देश्यले नगर प्रमुख विष्ट आज विद्युतीय अटो रिक्सा र पैदलै विभिन्न स्थानमा पुगे । नगर प्रमुख विष्टले एक दिन भएपनि इन्धन खर्चमा कमी ल्याउने उद्देश्यले हरेक महिनाको १ गते अत्यावश्यक बाहेक इन्धन प्रयोग हुने सवारी साधन प्रयोग नगर्न सम्पूर्ण नगरबासीमा समेत आग्रह गरेका छन् ।

नेपालगञ्जको बार्षिक नीति तथा कार्यक्रममा हरेक महिनाको १ गते जन प्रतिनिधि र कर्मचारीले इन्धन प्रयोग हुने सवारी साधन प्रयोग गरिनछैन भन्ने उल्लेख छ । नगरसभाको निर्णयपछि पहिलो १ गते आज सो निर्णय कार्यान्वयन गर्दै नगर प्रमुख विष्टले इन्धन प्रयोग हुने सवारी साधन प्रयोग नगरेका हुन् ।

महिनामा १ दिन भएपनि अत्यावश्यक बाहेक सवारी साधनको प्रयोग नगर्ने हो भनेपनि इन्धन बचत गर्न सकिने भन्दै नगर प्रमुख विष्टले आम नागरिकलाई उपमहानगरपालिकाको निर्णयमा साथ दिन आग्रह गरे ।

प्रकाशित मिति: आइतबार, साउन १, २०७९ १६:३४

प्रतिक्रिया दिनुहोस्