बाँकेको मानपुरमा दुर्घटना, चार जना घाइते

स्थानीय

गृहपृष्ठ
स्थानीय
बाँकेको मानपुरमा दुर्घटना, चार जना घाइते

बाँकेको मानपुरमा दुर्घटना, चार जना घाइते

आइतबार, साउन १, २०७९ बागेश्वरी पोस्ट

नेपालगञ्ज । बाँकेको मानपुरमा दुर्घटना हुँदा चार जना घाइते भएका छन् ।

नेपालगञ्ज-गुलरिया सडकखण्ड अन्तर्गत् जानकी गाउँपालिका वडा नम्बर ३ मानपुरमा नेपालगञ्जबाट खजुरातर्फ जाँदै गरेको प्रदेश ३–०१–००६ नम्वरको बसले भे ९ प ५४३१ नम्वरको स्कुटी, भे १ ह १०३२ नम्वरको अटो र पैदलयात्रुलाई ठक्कर दिँदा चार जना घाइते भएको बाँके प्रहरीले जनाएको छ ।

बसको ठक्करबाट स्कुटी चालक खजुरा गाउँपालिका ४ की ४५ वर्षीया लक्ष्मी शाह, अटो चालक खजुरा गाउँपालिका ७ का ३५ वर्षीय रामसेवक यादव, अटोमा सवार १६ वर्षीय हनिस खाँ र पैदल हिँडिरहेका सोही स्थानका ३५ वर्षीय इस्माइल साई घाइते भएको जिल्ला प्रहरी कार्यालय बाँकेले जनाएको छ ।

घाइतेहरुको नेपालगञ्ज मेडिकल कलेजमा उपचार भइरहेको छ । बस तीब्र गतिमा रहेका कारण दुर्घटना भएको बताइएको छ ।

प्रकाशित मिति: आइतबार, साउन १, २०७९ १७:१३

प्रतिक्रिया दिनुहोस्