बाँके प्रहरीद्वारा झण्डै ६ करोडको चोरी पैठारीको सामान बरामद

सुरक्षा-अपराध

गृहपृष्ठ
सुरक्षा-अपराध
बाँके प्रहरीद्वारा झण्डै ६ करोडको चोरी पैठारीको सामान बरामद

बाँके प्रहरीद्वारा झण्डै ६ करोडको चोरी पैठारीको सामान बरामद

लागूऔषधतर्फ मुद्दा दर्ता र पक्राउ पर्ने संख्या दुबै घट्यो

सोमबार, साउन २, २०७९ बागेश्वरी पोस्ट

नेपालगञ्ज । बाँके प्रहरीले एक बर्षमा झण्डै ६ करोड रुपैयाँ बराबरका भन्सार चोरी पैठारीको सामान बरामद गरेको छ ।

आर्थिक बर्ष २०७८/७९ मा जिल्ला प्रहरी कार्यालय बाँकेले ५ करोड ९० लाख ५४ हजार रुपैयाँ बराबरमा सामान बरामद गरेको बाँके प्रहरी प्रमुख श्यामकृष्ण अधिकारीले बताए । अघिल्लो आर्थिक बर्षमा साढे २ करोडको अवैध मालसामान बरामद गरिएको थियो । भन्सार चोरी पैठारी गर्ने ५३ जना पक्राउ परेका छन् ।

चालू मुद्दामा पक्राउ पर्ने प्रतिवादीहरुको संख्या पनि अघिल्लो बर्ष भन्दा झण्डै दोब्बर छ । गएको आर्थिक बर्षमा १३२५ जना पक्राउ पर्दा त्यसअघि ७५७ जना पक्राउ परेका थिए । गएको आर्थिक बर्षमा बाँके प्रहरीले ४ किलो बढी सुन पक्राउ गरेको थियो । मुद्दा दर्ता संख्या पनि अघिल्लो आर्थिक बर्ष भन्दा बढेको छ । २०७८/७९ मा ११५७ मुद्दा दर्ता हुँदा त्यसअघि ८१३ मुद्दा दर्ता भएको तथ्यांक बाँके प्रहरीमा छ ।

प्रहरी प्रमुख प्रहरी उपरीक्षक अधिकारीका अनुसार लागूऔषधतर्फ मुद्दा दर्ता र पक्राउ पर्ने संख्या दुबै केही घटेको छ । आर्थिक बर्ष २०७७/७८ मा १२६ मुद्दा दर्ता भएकोमा गत बर्ष ११२ मुद्दा दर्ता भएका छन् । यस्तै अघिल्लो बर्ष १९६ जना पक्राउ परेकोमा यसपटक १८५ जना पक्राउ परे ।

प्रकाशित मिति: सोमबार, साउन २, २०७९ १६:०५

प्रतिक्रिया दिनुहोस्