कोहलपुरमा एक दम्पती मृत अवस्थामा भेटिए, हत्याको आशंका

सुरक्षा-अपराध

गृहपृष्ठ
सुरक्षा-अपराध
कोहलपुरमा एक दम्पती मृत अवस्थामा भेटिए, हत्याको आशंका

कोहलपुरमा एक दम्पती मृत अवस्थामा भेटिए, हत्याको आशंका

मंगलबार, साउन १०, २०७९ बागेश्वरी पोस्ट

नेपालगन्ज । बाँकेको कोहलपुरमा एक दम्पती मृत अवस्थामा भेटिएका छन् । कोहलपुर नगरपालिका वडा नम्बर १४ पार्वतीपुरमा २५ वर्षीय कृष्णकुमार गडेरिया र २३ वर्षीया अञ्जली गडेरिया आज बिहान मृत अवस्थामा फेला परेको जिल्ला प्रहरी कार्यालय बाँकेले जानकारी दिएको छ ।

जिल्ला प्रहरी बाँकेका अनुसार घटनास्थलको प्रारम्भिक अवस्था हेर्दा हत्या भएको देखिएको छ । सुतिरहेको अवस्थामा मृत फेला परेका दम्पती मध्ये पति कृष्णको मुखबाट रगत आएको र दायाँ हातमा चोट लागेको बाँके प्रहरीले जनाएको छ । मृतक दम्पती एक बर्ष अघि मात्र विवाह बन्धनमा बाँधिएको बताइएको छ ।

घटना शंकास्पद भएका कारण शव परीक्षणका लागि भेरी अस्पताल पठाइएको छ । घरमा बिहान कोही नउठेपछि आफन्तले प्रहरीलाई खबर गरेका थिए ।

घटनाको अनुसन्धान अघि बढाइसकेकाले विस्तृत बिवरण अनुसन्धान पश्चात् मात्रै आउने बाँके प्रहरीले जानकारी दिएको छ ।

प्रकाशित मिति: मंगलबार, साउन १०, २०७९ १०:४०

प्रतिक्रिया दिनुहोस्