बाँकेमा सशस्त्र तस्करीविरुद्ध कडा रुपमा प्रस्तुत:समातियो गाडीसहित झण्डै साढे ६ लाखको सामाग्री

स्थानीय

गृहपृष्ठ
स्थानीय
बाँकेमा सशस्त्र तस्करीविरुद्ध कडा रुपमा प्रस्तुत:समातियो गाडीसहित झण्डै साढे ६ लाखको सामाग्री

बाँकेमा सशस्त्र तस्करीविरुद्ध कडा रुपमा प्रस्तुत:समातियो गाडीसहित झण्डै साढे ६ लाखको सामाग्री

आइतबार, साउन १५, २०७९ बागेश्वरी पोस्ट

नेपालगन्ज । सशस्त्र प्रहरीले भारतबाट अवैध रुपमा नेपालगन्ज ल्याउँदै गरिएको ठुलो परिमाणमा झण्डै साढे ६ लाख रुपैयाँ बराबरका कपडा, म्याजिक भ्यान, चिनी लगायत विभिन्न किराना सामाग्री बरामद गरेको छ ।

सशस्त्र प्रहरी बल नम्बर ३० गण बागेश्वरी बाँकेबाट सशस्त्र प्रहरी नायब निरीक्षक लक्ष्मण चौधरीको कमाण्डमा गएको टोलीले आज बिहान ६ बजेको समयमा भन्सार छली गरेर ल्याइँदै गरिएका ठुलो परिमाणमा कपडा बरामद गरेको छ ।

त्यस्तै सशस्त्र प्रहरीको चौलिका चेक पोस्टमा खटिएको टोलीले आज दिउँसो चेकजाँच गर्ने क्रममा भाग्दै गरेको भे १ ज १०९८ नम्बरको म्याजिक भ्यानलाई नियन्त्रणमा लिएर भ्यानसहित ठुलो परिमाणमा चिनी बरामद गरेको छ ।

सशस्त्र प्रहरीको अर्को टोलीले नेपालगन्जका अन्य अवैध नाकाबाट भन्सार छली गरेर ल्याइँदै गरिएका किराना तथा हार्डवयरका सामग्री, पेय पदार्थ लगायतका अन्य सामाग्री बरामद गरेको सशस्त्र प्रहरी उपरीक्षक जनकराज बस्नेतले जानकारी दिएका छन् ।

सशस्त्र प्रहरीद्वारा बरामद गरिएका ६ लाख ३२ हजार ४५० रुपैयाँ बराबर अवैध सामग्री, म्याजिक भ्यान लगायतका सामाग्रीलाई आजै नेपालगन्ज भन्सार कार्यालय बुझाइएको सशस्त्र प्रहरी उपरीक्षक बस्नेतले बताए । अहिले सशस्त्र प्रहरीले तस्करीविरुद्ध कडाई गरेपछि तस्करहरुको निद्रा हराम भएको छ ।

प्रकाशित मिति: आइतबार, साउन १५, २०७९ १६:०१

प्रतिक्रिया दिनुहोस्