जानकीका सभापति यादवमाथि भएको आक्रमणको कांग्रेसद्वारा घोर भत्र्सना

स्थानीय

गृहपृष्ठ
स्थानीय
जानकीका सभापति यादवमाथि भएको आक्रमणको कांग्रेसद्वारा घोर भत्र्सना

जानकीका सभापति यादवमाथि भएको आक्रमणको कांग्रेसद्वारा घोर भत्र्सना

सोमबार, साउन १६, २०७९ बागेश्वरी पोस्ट

नेपालगञ्ज । नेपाली कांग्रेस जिल्ला कार्यसमिति बाँकेले नेपाली कांग्रेस जानकी गाउँपालिकाका सभापति दयाराम यादवमाथि भएको सांघातिक आक्रमणको घोर भत्र्सना गरेको छ ।

जिल्ला सचिव सुधान्शु कोइरालाले आज एक विज्ञप्ती निकालेर यादवलाई मरणासन्न हुने गरी कुटपिट गरी घाइते बनाएको घटनाप्रति गम्भीर ध्यानाकर्षण भएको जनाएका छन् । सचिव कोइरालाले यस्तो आपराधिक क्रियाकलापमा संलग्न व्यक्तिको यथाशिघ्र खोजी गरी कानुनी दायरामा ल्याएर कडा भन्दा कडा कारवाही गर्न सम्बन्धित निकायसंग माग गरेका छन् । कांग्रेसले यादवको शिघ्र स्वास्थ्य लाभको कामना गरेको छ । उनको नेपालगञ्ज मेडिकल कलेज शिक्षण अस्पतालमा उपचार भइरहेको छ । उपचारमा रहेका यादवलाई भेट्न सभापति नारायणप्रसाद गौडेलसहित जिल्ला कार्यसमितिका पदाधिकारी, सदस्य र अन्य नेता कार्यकर्ता अस्पताल पुगेका थिए ।

गत साउन १३ गते नागरिक विधेयक पारित भएको खुसीयालीमा दीप प्रज्ज्वलन गरेर घर फर्कंदै गरेका यादवमाथि बाटोमा लुकेर बसेका व्यक्तिहरुले अचानक आक्रमण गरेका थिए ।

May be an image of text