राप्तीसोनारीका अध्यक्ष पौडेलले गरे अस्पतालको छड्के निरीक्षण

स्थानीय

गृहपृष्ठ
स्थानीय
राप्तीसोनारीका अध्यक्ष पौडेलले गरे अस्पतालको छड्के निरीक्षण

राप्तीसोनारीका अध्यक्ष पौडेलले गरे अस्पतालको छड्के निरीक्षण

सोमबार, साउन १६, २०७९ बागेश्वरी पोस्ट

नेपालगञ्ज । बाँकेको राप्तीसोनारी गाउँपालिकाका अध्यक्ष तप्त बहादुर पौडेलले राप्तीसोनारी अस्पतालको छड्के निरीक्षण गरेका छन् ।

अध्यक्ष पौडेलले अस्पतालमा कर्मचारीको हाजिरी पुस्तिका समेत हेर्दै सबै कर्मचारीहरुले नियमितरुपमा अनिवार्य हाजिर गर्नुपर्ने बताए । पौडेलले कुनै पनि कर्मचारीले सोही दिनको हाजिर अर्को दिनमा गरेमा तुरुन्तै कारबाही गरिने चेतावनी दिए । उनले अस्पतालमा भर्खरै मात्र सुरु भएको एक्सरे मेसिन निरीक्षण गर्दै सेवाग्राहीलाई राम्रो सेवा सुविधा दिन निर्देशन दिएका छन् ।

No description available.

अध्यक्ष पौडेलले वडा नम्बर ४ मा निर्माणाधीन कोल्ड स्टोरको समेत निरीक्षण गरेका छन् । निर्माण कार्यको ठेक्का पाएका सम्बन्धितलाई छिटो र स्तरीय काम गर्न उनले निर्देशन दिए । अध्यक्ष पौडेलसँगै गाउँपालिकाका प्रमुख प्रशासकीय अधिकृत हरिबहादुर खत्री, लेखा अधिकृत गौरवकुमार लामिछाने, वडा नम्बर ४ का वडा अध्यक्ष मिनराज खड्का (सन्तोष), गाउँपालिकाको सचिवालय टोली र प्राबिधिक टोली समेत योजना अनुगमनमा गएको थियो ।

No description available.

अनुगमन पश्चात् गाउँपालिकामै लुम्बिनी प्रदेशसभा सदस्य शंकर गिरीको टोलीसँग प्रदेशबाट आउने योजनाका बारेमा छलफल गरिएको थियो । छलफलपछि प्रदेश सभा सदस्य गिरीले राप्तीसोनारीको लागि हुन सक्ने योजनाका बारेमा सम्बन्धित मन्त्रालयमा जानकारी गराउने बताए ।

No description available.