नेपालगन्जबाट उडेको श्री एयरको जहाजको इन्जिनमा धुवाँ देखिएपछि आपतकालीन अवतरण

स्थानीय

गृहपृष्ठ
स्थानीय
नेपालगन्जबाट उडेको श्री एयरको जहाजको इन्जिनमा धुवाँ देखिएपछि आपतकालीन अवतरण

नेपालगन्जबाट उडेको श्री एयरको जहाजको इन्जिनमा धुवाँ देखिएपछि आपतकालीन अवतरण

बिहीबार, साउन १९, २०७९ बागेश्वरी पोस्ट

नेपालगन्ज । नेपालगन्जबाट काठमाडौंका लागि उडान भरेको श्री एयरलाइन्सको जहाजको इन्जिनमा धुवाँ देखिएपछि नेपालगगन्ज विमानस्थलमा आपतकालीन अवतरण गराइएको छ ।

आज बिहान ९ बजेर ४९ मिनेटमा उडेको जहाजको वायाँ इन्जिनमा धुवाँ देखिएपछि पाँच मिनेट नपुग्दै फेरि नेपालगन्ज फर्किएको हो । जहाज १० माइल उडिसकेको थियो ।

नेपालगन्जबाट काठमाडौंका लागि उडेको श्री एअरको (एन-एएनएफ) कल साइन जहाजको केहीबेरमै इन्जिनमा समस्या देखिएको थियो ।

श्री एयरलाइन्स नेपालगन्ज कार्यालयका अनुसार उक्त जहाजमा ७९ यात्रु र ४ जना चालक दलका सदस्य थिए । नेपालगञ्ज विमानस्थल कार्यालयका अनुसार जहाजको अवतरणका क्रममा ‘फुल इमर्जेन्सी’ व्यवस्था गरिएको थियो । जहाज सकुशल अवतरण गरेको थियो ।

प्रकाशित मिति: बिहीबार, साउन १९, २०७९ १०:५८

प्रतिक्रिया दिनुहोस्