रुपइडिहामा लखनऊको अपोलो मेडिक्स अस्पतालले शनिबारबाट सुपर स्पेसलिष्ट ओपीडी सेवा दिँदै

स्थानीय

गृहपृष्ठ
स्थानीय
रुपइडिहामा लखनऊको अपोलो मेडिक्स अस्पतालले शनिबारबाट सुपर स्पेसलिष्ट ओपीडी सेवा दिँदै

रुपइडिहामा लखनऊको अपोलो मेडिक्स अस्पतालले शनिबारबाट सुपर स्पेसलिष्ट ओपीडी सेवा दिँदै

विशेषज्ञ सेवा लिन सहायक प्रबन्धक गौड्को अनुरोध

बिहीबार, साउन १९, २०७९ अनिल गौतम

नेपालगन्ज । नेपालगन्जको सिमावर्ती बजार रुपइडिहामा लखनऊको प्रसिद्ध अपोलो मेडिक्स अस्पतालले यही शनिबारदेखि सुपर स्पेसलिष्ट ओपीडी सेवा सुरु गर्दैछ ।

रुपइडिहाको अमान किदवई कम्प्लेक्स, इँग्लिश मिडियम प्राईमरी स्कूलकै सामुन्ने बहराइचका एमएलसी डा. प्रज्ञा त्रिपाठी, बहराइच जिल्लाका बिजेपी अध्यक्ष श्याम करन टेकडीवाल र बहराइच जिल्लाका प्रहरी प्रमुख एसपी अशोक कुमारबाट संयुक्तरुपमा अगस्ट ६ तारिख शनिबारका दिन ३ बजे सुपर स्पेसलिष्ट ओपीडी सेवाको उद्घाटन गरिने भएको छ ।

अस्पतालका सहायक प्रबन्धक ध्रुब गौड्का अनुसार उक्त सुपर स्पेसलिष्ट ओपीडी सेवा हरेक महिनाको पहिलो शनिबार ३ बजेदेखि साँझ ५ बजेसम्म दिइनेछ । त्यस क्षेत्रका स्थानीय र नेपालीका लागि लखनऊ जानै नपर्ने भई लखनऊका प्रसिद्ध चिकित्सकद्वारा रुपईडिहामै पाइने ओपीडी सेवाले धेरै फाइदा पुग्ने सहायक प्रबन्धक गौड्ले बताए ।

महिनाको पहिलो शनिबार दिइने उक्त सुपर स्पेसलिष्ट ओपीडी सेवा गम्भीर रोगका बिरामी अथवा अन्य बिरामीका लागि अपोलो अस्पतालका प्रसिद्ध न्युरोलोजिष्ट विशेषज्ञ डा. धवल नारांग, नेफ्रोलोजी एबं किड्नी रोग विशेषज्ञ डा. जाँनी अग्रवाल लगायतका अन्य विशेषज्ञ सेवाका चिकित्सकहरुले ओपीडी सेवा दिनेछन् ।

अस्पतालका प्रसिद्ध विशेषज्ञहरुले सेवा दिने भएकाले हरेक रोगका बिरामीलाई सेवा लिन अस्पतालका सहायक प्रबन्धक गौड्ले अनुरोध गर्दै केही समय पश्चात् प्रसिद्ध वरिष्ठ कार्डियोलोजिष्टबाट समेत सेवा दिइने बताए । उनका अनुसार ओपीडी सेवा शुल्क ६ सय रुपैयाँ रहेको छ ।