बरिष्ठ उपाध्यक्ष केसीलाई गृह जिल्लामा बधाई र सम्मान

स्थानीय

गृहपृष्ठ
स्थानीय
बरिष्ठ उपाध्यक्ष केसीलाई गृह जिल्लामा बधाई र सम्मान

बरिष्ठ उपाध्यक्ष केसीलाई गृह जिल्लामा बधाई र सम्मान

शनिबार, साउन २१, २०७९ बागेश्वरी पोस्ट

नेपालगञ्ज । नेपाल प्रेस युनियन बाँकेले जिल्लाबाट युनियनको केन्द्रीय कार्यसमितिमा निर्वाचितहरुलाई बधाई ज्ञापन गर्दै सम्मान गरेको छ । बाँकेबाट पहिलोपटक बरिष्ठ उपाध्यक्षमा निर्वाचित प्रेम केसी, केन्द्रीय सदस्यमा निर्वाचित कमला हमाल र शोभा केसीलाई बधाई तथा सम्मान गर्न आयोजित कार्यक्रममा बरिष्ठ उपाध्यक्ष केसी मात्र उपस्थित थिए । केसी यसअघि उपमहासचिव थिए । कमला र शोभा जिल्ला बाहिर रहेका कारण उपस्थित हुन सकेनन् ।

नेपाली कांग्रेसका केन्द्रीय सदस्य मैकुलाल बाल्मिकी, जिल्ला सभापति नारायणप्रसाद गौडेल, युनियन बाँकेका अध्यक्ष अर्जुन ओलीले केसीलाई सम्मान गरेका थिए । बधाई तथा सम्मान कार्यक्रममा केन्द्रीय सदस्य बाल्मिकी, पार्टी सभापति गौडेल, महासमिति सदस्य एवम् युनियनका पूर्व अध्यक्ष मेघराज ओली, कांग्रेस नेतृ एवम् प्रेस युनियनकी पूर्व केन्द्रीय सदस्य उमा थापा मगर, नेपाल पत्रकार महासंघका लुम्बिनी प्रदेशका उपाध्यक्ष शुक्रऋषि चौलागाईले नवनिर्वाचित पदाधिकारी एवम् सदस्यहरुलाई बधाई ज्ञापन गर्दै सफल कार्यकालको शुभकामना व्यक्त गरेका थिए ।

बक्ताहरुले बाँकेले पहिलोपटक बरिष्ठ उपाध्यक्ष पाएकोमा गौरबबोध भएको बताए । उनीहरुले युनियनलाई गतिशील बनाउँदै पेशागत हकहित संरक्षणका खातिर काम गर्न सफल हुने विश्वास व्यक्त गरे । बरिष्ठ उपाध्यक्ष केसीले आफूलाई निर्वाचित गराउन भूमिका खेल्ने सबैलाई धन्यवाद दिँदै युनियन र युनियन सम्बद्ध पत्रकारहरुको श्रीबृद्धिका लागि आफू डटेर लाग्ने प्रतिबद्धता जनाए । कार्यक्रममा युनियन बाँकेका उपाध्यक्ष समीरमान श्रेष्ठले स्वागत मन्तब्य ब्यक्त गरेका थिए ।

प्रकाशित मिति: शनिबार, साउन २१, २०७९ २०:५२

प्रतिक्रिया दिनुहोस्