गणपूरक संख्या नपुगेपछि डुडुवाको गाउँसभा बैठक स्थगित

स्थानीय

गृहपृष्ठ
स्थानीय
गणपूरक संख्या नपुगेपछि डुडुवाको गाउँसभा बैठक स्थगित

गणपूरक संख्या नपुगेपछि डुडुवाको गाउँसभा बैठक स्थगित

सोमबार, साउन २३, २०७९ बागेश्वरी पोस्ट

डुडुवा (बाँके) । डुडुवा गाउँपालिकाको १२औं गाउँसभामा गणपूरक संख्या नपुगेर स्थागित भएको छ ।

गाउँपालिका अध्यक्ष्द्वारा आह्वान गरिएको १२औं गाउँसभा बैठकमा नेकमा एमाले र जनता समाजबादी पार्टीबाट निर्वाचित बहुमत सदस्यहरु (२६ जना) अनुपस्थित भएकाले लुम्विनी प्रदेश सरकारको गाउँसभा÷नगरसभाको संचालन सम्वन्धमा व्यवस्था गर्न बनेको ऐन २०७६ को परिच्छेद ३ दफा ७ (१) को प्रावधान बमोजिम १२औं गाउँसभाको प्रथम बैठक स्थगित भएको गाउँपालिकाका प्रमुख प्रशासकीय अधिकृत परशुराम उपाध्यायले बताए । उनका अनुसार दिउँसो डाकिएको बैठकमा बहुमत सदस्य उपस्थित नभएपछि साँझ ५ः३० बजे बैठक स्थागित भएको सूचना जारी गरिएको हो ।

सभाको बैठकको जानकारी पाएका डुडुवाका जनताहरुले चासो लिएर उल्लेख्य सहभागिता जनाएका थिए । त्यस अवसरमा उपस्थित भएका गाउँपालिका अध्यक्ष नरेन्द्र कुमार चौधरीले जनताका हितमा काम गर्ने भन्दै जनताको हित विपरीत कुनै पनि निर्णय नगर्ने स्पष्ट पारे । सभामा पत्रकारहरु समक्ष बोल्दै अध्यक्ष चौधरीले कानुन विपरित कुनै पनि निर्णय तथा कार्य नगर्ने भन्दै विपक्षी दलका पदाधिकारीहरुले विभिन्न बखेडा झिकेर विवाद गरेको बताए ।

जनताले चुनेका जनप्रतिनिधिले काम गर्ने बातावरण नवनाउँदा अनाहकमा जनताले दुःख पाउने भन्दै निकासका लागि अघि बढ्नुपर्नेमा जोड दिँदै समस्या समाधानका लागि तत्काल पर्यत्न गर्ने अध्यक्ष चौधरीले बताए । गाउँसभा बस्न नसकेपछि गाउँपालिकाले नयाँ आर्थिक वर्ष २०७९/०८० का वार्षिक नीति तथा कार्यक्रम र बजेट समेत ल्याउन सकेको छैन । यसले योजना लगायतका कार्यक्रम प्रभावित भएका छन् ।

प्रकाशित मिति: सोमबार, साउन २३, २०७९ ०९:०३

प्रतिक्रिया दिनुहोस्